Міністэрства фінансаў ЗША ўвяло санкцыі супраць трох іранскіх кампаній і шасьці асобаў. Пра гэта паведамляе агенцтва Reuters.
Тлумачыцца, што гэтыя кампаніі і асобы адказныя за фінансаваньне элітнага падразьдзяленьня Рэвалюцыйнай гвардыі Ірану.
Раней на гэтым тыдні прэзыдэнт ЗША Дональд Трамп заявіў, што Вашынгтон выходзіць з пагадненьня з Іранам аб ядзернай праграме Тэгерану.
Ядзернае пагадненьне з Іранам: што пра яго трэба ведаць
Іран пракамэнтаваў выхад ЗША зь ядзернага пагадненьня
У Вашынгтоне неаднаразова заяўлялі, што шматбаковае міжнароднае пагадненьне, падпісанае зь Іранам у 2015 годзе, недасканалае, прэзыдэнт Трамп называў яго «жахлівым». Шматбаковае пагадненьне, падпісанае ў 2015 годзе вядучымі сусьветнымі дзяржавамі зь Іранам прадугледжвала зьняцьце з Тэгерана эканамічных санкцыяў — у абмен на згортваньне іранскімі ўладамі ядзернай праграмы.
