Рассельгаснагляд лічыць неабходным праінфармаваць удзельнікаў зьнешнеэканамічнай дзейнасьці пра дзеючыя абмежаваньні на пастаўкі прадукцыі з шэрагу прадпрыемстваў Рэспублікі Беларусь, паведамляецца на афіцыйным сайце ведамства.
«Па стане на 23 траўня 2017 году ў Рэестры прадпрыемстваў Мытнага саюзу зарэгістравана 672 беларускія прадпрыемствы; зь іх 34 прадпрыемствы маюць вэтэрынарна-санітарны статус з «узмоцненым лябараторным кантролем»; 26 прадпрыемстваў — «папярэджаньне», 36 прадпрыемстваў — «адмысловыя патрабаваньні».
Такім чынам, у Рассельгаснагляду ёсьць прэтэнзіі амаль да 100 беларускіх прадпрыемстваў мяса-малочнай прамысловасьці, а таксама прадпрыемстваў па вытворчасьці кармоў.
Далей ідзе пералік прадпрыемстваў малочнай, мясной, кармавой прадукцыі з канкрэтнымі выключэньнямі і абмежаваньнямі.
Поўны сьпіс можна пабачыць на афіцыйным сайце Расельгаснагляду.
