Абноўлена: Кіраўнік клюбу «Патрыёт» на волі: «Патрыёты сваёй краіны не зьбіраліся распальваць у сябе дома пажар»
Сяргей Чыслаў (Бульба) паведаміў на сваёй старонцы ў «Фэйсбуку», што 23 сакавіка а 19.07 быў затрыманы былы спэцназавец Мікола Міхалькоў — кіраўнік афіцыйна зарэгістраванага вайскова-спартовага клюбу «Патрыёт».
У гэты дзень ён быў запрошаны на размову ў КДБ Бабруйску, але пасьля ня выйшаў на сувязь. Ягоная машына застаецца стаяць побач з будынкам КДБ.
Частка людзей з 26 затрыманых у крымінальнай справе за арганізацыю масавых беспарадкаў, верагодна, мае дачыненьне да спартова-патрыятычнага клюбу «Патрыёт» у Бабруйску. Некаторыя зь іх працуюць у сілавых органах Рэспублікі Беларусь.
Сярод затрыманых — і сын кіраўніка клюбу «Патрыёт» Ян Міхалькоў, які служыць у сілавых структурах Беларусі.
