«Нам проста неабходна аргумэнтаванае, бесстароньняе меркаваньне кампэтэнтных спэцыялістаў. Асабліва сёньня, калі робяцца асобныя спробы паставіць пад пытаньне сувэрэнітэт і незалежнасьць нашай дзяржавы», — цытуе Лукашэнку БелТА.
2017-ы абвешчаны ў Беларусі Годам навукі, сказаў Лукашэнка:
«Год, які закліканы стаць для гэтай сфэры знакавым і па-сапраўднаму пераломным. Гаворка ідзе не пра нейкія маштабныя мерапрыемствы або новыя адкрыцьці. Усё гэта, вядома, істотна. Але што значна важней — у гэты год мы павінны надаць галіне новае гучаньне, якасна абнавіць яе структуру».
