Папа Францішак прыняў Марка Цукербэрга

Папа Рымскі Францішак прыняў заснавальніка сацыяльнай сеткі Facebook Марка Цукербэрга і ягоную жонку Прысцылу Чан.

Паводле самога Цукербэрга, пантыфік размаўляў пра ролю тэхналёгіяў у пераадоленьні беднасьці і жабрацтва. Заснавальнік Facebook распавёў Папу Рымскаму пра беспілётнікі, якія працуюць на сонечнай энэргіі і здольныя забясьпечыць доступ жыхароў слаба разьвітых краінаў да Інтэрнэту.