У Яўгена Батуры апісалі машыну, забралі ключы — маўляў, машына ва ўгоне. Іншых пратаколаў не складалі. З Маскоўскага РАУСа адпусцілі, паведамляе на сваёй старонцы ў Фэйсбуку актывістка Дзіяна Серадзюк
Грамадзкі актывіст Яўген Батура без тлумачэньняў быў затрыманы на праспэкце Незалежнасьці насупраць галоўпаштамта, дзе адбывалася акцыя салідарнасьці з Эдуардам Пальчысам.
На акцыю Батура прыехаў на аўтамабілі, упрыгожаным бел-чырвона-белымі сьцяжкамі. Супрацоўнікі ДАІ спынілі яго, пасадзілі ў міліцэйскую машыну і адвезьлі ў Маскоўскі РАУС.
