Моўны экспэрт Харабек Сааданбек, які працаваў над гэтым праектам, паведаміў Радыё Свабода, што імгненны пераклад з кіргіскай і на кіргіскую цяпер магчымы на кампутарах і мабільных прыладах. Кіргіскія мовазнаўцы працавалі над гэтай задачай з 2011 году пры фінансавай падтрымцы ўраду Кіргізстану.
У сьнежні 2014 году Google абвясьціў пра даданьне ў свой перакладчык казахскай, таджыцкай і узбэцкай моваў. Онлайн-сыстэма перакладу мае таксама опцыю для карыстальнікаў, як палепшыць якасьць перакладу.
Усяго перакладчык Google цяпер разумее 100 моваў. Беларуская дадалася ў жніўні 2009-га.
