У кватэры экс-кандыдата ў прэзыдэнты Андрэя Саньнікава і журналісткі Ірыны Халіп, а таксама ў кватэры бацькоў журналісткі прайшлі ператрусы.
12 студзеня супрацоўнікі КДБ правялі чарговы ператрус у кватэры Андрэя Саньнікава і Ірыны Халіп на вуліцы Кісялёва, а потым зрабілі ператрус у кватэры бацькоў Ірыны Халіп. Маці журналісткі Люцыя Юр’еўна прысутнічала падчас абодвух ператрусаў, але яна ня можа паведаміць пра вынікі.
Карэспандэнт: «Ці можаце сказаць, што ў выніку ўзялі ці не ўзялі?»
Люцыя Халіп: «Не, не магу. Давала падпіску».
Карэспандэнт: «А ваш унук, Данік, застаўся на той кватэры?»
Люцыя Халіп: «Так, зь няняй».
Карэспандэнт: «Ці доўгія былі вобшукі?»
Люцыя Халіп: «У мяне нядоўга, а там, на кватэры Ірыны і Андрэя, даўжэй».
Як і раней, ператрус праходзіў у прысутнасьці 3-гадовага сына арыштаваных — Даніка. Вольга Бандарэнка, жонка вязьня КДБ Зьмітра Бандарэнкі, спрабавала прайсьці ў кватэру, каб быць сьведкай, але яе не пусьцілі. Вольга згадвае, як паводзіў сябе Данік падчас першага ператрусу:
«Сядзеў нерухома, як саляны слупок. Хаця гэта было 4 з паловай гадзіны, але нават не зварухнуўся. Асабіста я нават не магу ўявіць: што можна зноў там шукаць? Калі б туды за гэты час нехта прыяжджаў зь сяброў, прыхільнікі якія-небудзь, ці што… А то ж нікога, акрамя бабулі і ўнука. Мяркую, гэта такая форма псыхалягічнага ціску, хутчэй за ўсё. І яшчэ не выключаю, што нешта могуць падкінуць. Таму я хацела сама быць сьведкай, але мяне не пусьцілі».
Ці ёсьць навіны пра арыштаваных экс-кандыдатаў у прэзыдэнты Андрэя Саньнікава, Уладзімера Някляева, Міколу Статкевіча і Алеся Міхалевіча ды іншых вязьняў турмы КДБ? Адвакаты Павал Сапелка, Тамара Сідарэнка, Алег Агееў, Тацяна Статкевіч кажуць, што іх да падабаронных па-ранейшаму не дапускаюць. Скаргі ў суды на меру стрыманьня, а таксама ў КДБ вынікаў не далі. Адзін з адвакатаў на ўмовах канфідэнцыйнасьці сказаў: «Сьледчыя наўмысна адцягваюць спатканьне падсьледнага з адвакатам нібыта на той падставе, што сьледчых дзеяньняў зь яго ўдзелам няма, а праверыць гэта зараз немагчыма. Звычайна толькі ўжо потым, з матэрыялаў справы мы даведваемся, што насамрэч допыты ішлі», — кажа крыніца. Нагадаю, адвакаты не сустракаліся зь фігурантамі справы аб беспарадках 19 сьнежня ўжо 14 дзён. Зьвестак пра стан здароўя арыштаваных таксама не даюць.
«Наконт здароўя? Не выклікаюць, і таму ніякіх навінаў сказаць не магу», — адказаў адвакат Ірыны Халіп Уладзімер Тоўсьцік. На сёньня гэта тыповы адказ усіх адвакатаў.
З шэрагу экс-кандыдатаў, якія застаюцца пад арыштам, вылучаецца Алесь Міхалевіч, зьвесткі пра якога супярэчлівыя. Паводле жонкі палітыка Міланы 11 студзеня ўвечары муж пазваніў ёй на мабільны тэлефон і ў размове сказаў, што «горшага яму ўжо ня зробяць». Таксама Алесь Міхалевіч паведаміў, што ў камэры ізалятара КДБ, дзе ён раней быў, «засталіся некаторыя ягоныя рэчы». Пасьля гэтых зьвестак Мілана Міхалевіч паставіла пад сумнеў інфармацыю сьледзтва , што яе мужа зноў трымаюць у ізалятары КДБ. Адвакат Міхалевіча Алег Агееў, аднак, настойвае, што пасьля кароткачасовага ўтрыманьня Міхалевіча ў ізалятары на Валадарскага яго вярнулі ў «амэрыканку».
Карэспандэнт: «Усё ж на Валадарцы ён быў ці не?»
Адвакат Агееў: «Быў».
Карэспандэнт: «І яго вярнулі ў ізалятар КДБ?»
Адвакат Агееў: «Так».
Паводле Алега Агеева, які бачыўся зь Міхалевічам на мінулым тыдні, той ня скардзіўся на стан здароўя.
Сваякі арыштаваных абмяркоўваюць між сабой чуткі пра тое, што вязьняў «амэрыканкі» пачалі перасаджваць у іншыя камэры, а таксама — што з камэраў зьніклі сьпісы правоў і абавязкаў вязьняў. Нібыта гэта адбылося пасьля скаргаў Алеся Міхалевіча:
«Кажуць, што ён адстойваў свае правы на перадачы, спасылаўся на гэтыя правілы. І тады гэтыя правілы забралі з камэр, вязьні ўжо ня ведаюць, што ім дазволена, а што нельга, калі не завучылі на памяць. А Міхалевіча, паводле чутак, дзеля таго і перавялі ў горшыя ўмовы на „Валадарцы“, а потым вярнулі, каб ня скардзіўся больш, што яму тут сядзець не падабаецца», — казала Вольга Бандарэнка, жонка каардынатара «Эўрапейскай Беларусі» Зьмітра Бандарэнкі, які таксама знаходзіцца ў «амэрыканцы».
Паводле сваякоў арыштаваных, перадачы для вязьняў прымаюць.
12 студзеня супрацоўнікі КДБ правялі чарговы ператрус у кватэры Андрэя Саньнікава і Ірыны Халіп на вуліцы Кісялёва, а потым зрабілі ператрус у кватэры бацькоў Ірыны Халіп. Маці журналісткі Люцыя Юр’еўна прысутнічала падчас абодвух ператрусаў, але яна ня можа паведаміць пра вынікі.
Карэспандэнт: «Ці можаце сказаць, што ў выніку ўзялі ці не ўзялі?»
Люцыя Халіп: «Не, не магу. Давала падпіску».
Карэспандэнт: «А ваш унук, Данік, застаўся на той кватэры?»
Люцыя Халіп: «Так, зь няняй».
Карэспандэнт: «Ці доўгія былі вобшукі?»
Люцыя Халіп: «У мяне нядоўга, а там, на кватэры Ірыны і Андрэя, даўжэй».
Як і раней, ператрус праходзіў у прысутнасьці 3-гадовага сына арыштаваных — Даніка. Вольга Бандарэнка, жонка вязьня КДБ Зьмітра Бандарэнкі, спрабавала прайсьці ў кватэру, каб быць сьведкай, але яе не пусьцілі. Вольга згадвае, як паводзіў сябе Данік падчас першага ператрусу:
Не выключаю, што нешта могуць падкінуць.
Ці ёсьць навіны пра арыштаваных экс-кандыдатаў у прэзыдэнты Андрэя Саньнікава, Уладзімера Някляева, Міколу Статкевіча і Алеся Міхалевіча ды іншых вязьняў турмы КДБ? Адвакаты Павал Сапелка, Тамара Сідарэнка, Алег Агееў, Тацяна Статкевіч кажуць, што іх да падабаронных па-ранейшаму не дапускаюць. Скаргі ў суды на меру стрыманьня, а таксама ў КДБ вынікаў не далі. Адзін з адвакатаў на ўмовах канфідэнцыйнасьці сказаў: «Сьледчыя наўмысна адцягваюць спатканьне падсьледнага з адвакатам нібыта на той падставе, што сьледчых дзеяньняў зь яго ўдзелам няма, а праверыць гэта зараз немагчыма. Звычайна толькі ўжо потым, з матэрыялаў справы мы даведваемся, што насамрэч допыты ішлі», — кажа крыніца. Нагадаю, адвакаты не сустракаліся зь фігурантамі справы аб беспарадках 19 сьнежня ўжо 14 дзён. Зьвестак пра стан здароўя арыштаваных таксама не даюць.
«Наконт здароўя? Не выклікаюць, і таму ніякіх навінаў сказаць не магу», — адказаў адвакат Ірыны Халіп Уладзімер Тоўсьцік. На сёньня гэта тыповы адказ усіх адвакатаў.
З шэрагу экс-кандыдатаў, якія застаюцца пад арыштам, вылучаецца Алесь Міхалевіч, зьвесткі пра якога супярэчлівыя. Паводле жонкі палітыка Міланы 11 студзеня ўвечары муж пазваніў ёй на мабільны тэлефон і ў размове сказаў, што «горшага яму ўжо ня зробяць». Таксама Алесь Міхалевіч паведаміў, што ў камэры ізалятара КДБ, дзе ён раней быў, «засталіся некаторыя ягоныя рэчы». Пасьля гэтых зьвестак Мілана Міхалевіч паставіла пад сумнеў інфармацыю сьледзтва , што яе мужа зноў трымаюць у ізалятары КДБ. Адвакат Міхалевіча Алег Агееў, аднак, настойвае, што пасьля кароткачасовага ўтрыманьня Міхалевіча ў ізалятары на Валадарскага яго вярнулі ў «амэрыканку».
Карэспандэнт: «Усё ж на Валадарцы ён быў ці не?»
Адвакат Агееў: «Быў».
Карэспандэнт: «І яго вярнулі ў ізалятар КДБ?»
Адвакат Агееў: «Так».
Паводле Алега Агеева, які бачыўся зь Міхалевічам на мінулым тыдні, той ня скардзіўся на стан здароўя.
Сваякі арыштаваных абмяркоўваюць між сабой чуткі пра тое, што вязьняў «амэрыканкі» пачалі перасаджваць у іншыя камэры, а таксама — што з камэраў зьніклі сьпісы правоў і абавязкаў вязьняў. Нібыта гэта адбылося пасьля скаргаў Алеся Міхалевіча:
«Кажуць, што ён адстойваў свае правы на перадачы, спасылаўся на гэтыя правілы. І тады гэтыя правілы забралі з камэр, вязьні ўжо ня ведаюць, што ім дазволена, а што нельга, калі не завучылі на памяць. А Міхалевіча, паводле чутак, дзеля таго і перавялі ў горшыя ўмовы на „Валадарцы“, а потым вярнулі, каб ня скардзіўся больш, што яму тут сядзець не падабаецца», — казала Вольга Бандарэнка, жонка каардынатара «Эўрапейскай Беларусі» Зьмітра Бандарэнкі, які таксама знаходзіцца ў «амэрыканцы».
Паводле сваякоў арыштаваных, перадачы для вязьняў прымаюць.
