Ніякіх санкцыяў у дачыненьні да кандыдатаў у прэзыдэнты, якія арганізавалі сустрэчу з выбарцамі 24 лістапада на Кастрычніцкай плошчы Менску, пакуль няма.
Акцыя праводзілася ў знак пратэсту супраць удзелу Аляксандра Лукашэнкі ў чарговых прэзыдэнцкіх выбарах і была прымеркавана да 14-й гадавіны канстытуцыйнага рэфэрэндуму. Мерапрыемства прайшло ў фармаце сустрэчы з выбарцамі кандыдатаў у прэзыдэнты Віталя Рымашэўскага, Мікалая Статкевіча і Ўладзімера Някляева.
Кастрычніцкая плошча Менску не адносіцца да месцаў, дзе дазволена агітаваць за кандыдатаў у прэзыдэнты. За публічныя заклікі прыйсьці на плошчу, зьвернутыя да выбарцаў, Рымашэўскі і Статкевіч атрымалі афіцыйныя папярэджаньні Генэральнай пракуратуры, іх могуць пазбавіць кандыдацкага статусу.
Як паведаміў БелаПАН давераная асоба Віталя Рымашэўскага Павал Севярынец, санкцыі ў дачыненьні да Рымашэўскага за правядзеньне гэтай акцыі Цэнтравыбаркам будзе абмяркоўваць 30 лістапада.
"Нашай прадстаўніцы ў ЦВК Тацьцяне Шапуцьцы прыйшла тэлеграма аб тым, што яна выкліканая на гэтае пасяджэньне. Таксама там будзе прысутнічаць і Рымашэўскі", — паведаміў Севярынец.
Яшчэ адзін кандыдат і арганізатар акцыі 24 лістапада Мікалай Статкевіч заявіў, што ніякага папярэджаньні пракуратуры ён не атрымліваў:
"Усе пісалі пра тое, што папярэджаньне мне вынесена. Але афіцыйна гэтага папярэджаньня ў мяне на руках няма. Прыходзілі нейкія людзі, спрабавалі мне ўсунуць нейкія паперкі... У мяне сваіх паперак хапае, навошта мне яшчэ адна".
Па словах Статкевіча, пакуль ніякіх санкцый да яго ўжыта не было.
Акцыя праводзілася ў знак пратэсту супраць удзелу Аляксандра Лукашэнкі ў чарговых прэзыдэнцкіх выбарах і была прымеркавана да 14-й гадавіны канстытуцыйнага рэфэрэндуму. Мерапрыемства прайшло ў фармаце сустрэчы з выбарцамі кандыдатаў у прэзыдэнты Віталя Рымашэўскага, Мікалая Статкевіча і Ўладзімера Някляева.
Кастрычніцкая плошча Менску не адносіцца да месцаў, дзе дазволена агітаваць за кандыдатаў у прэзыдэнты. За публічныя заклікі прыйсьці на плошчу, зьвернутыя да выбарцаў, Рымашэўскі і Статкевіч атрымалі афіцыйныя папярэджаньні Генэральнай пракуратуры, іх могуць пазбавіць кандыдацкага статусу.
Як паведаміў БелаПАН давераная асоба Віталя Рымашэўскага Павал Севярынец, санкцыі ў дачыненьні да Рымашэўскага за правядзеньне гэтай акцыі Цэнтравыбаркам будзе абмяркоўваць 30 лістапада.
"Нашай прадстаўніцы ў ЦВК Тацьцяне Шапуцьцы прыйшла тэлеграма аб тым, што яна выкліканая на гэтае пасяджэньне. Таксама там будзе прысутнічаць і Рымашэўскі", — паведаміў Севярынец.
Яшчэ адзін кандыдат і арганізатар акцыі 24 лістапада Мікалай Статкевіч заявіў, што ніякага папярэджаньні пракуратуры ён не атрымліваў:
"Усе пісалі пра тое, што папярэджаньне мне вынесена. Але афіцыйна гэтага папярэджаньня ў мяне на руках няма. Прыходзілі нейкія людзі, спрабавалі мне ўсунуць нейкія паперкі... У мяне сваіх паперак хапае, навошта мне яшчэ адна".
Па словах Статкевіча, пакуль ніякіх санкцый да яго ўжыта не было.
