اوونیزې خپرونې

ښځي بايد په خپلو قانوني حقونو خبر شي: مهوش کاکا خېل

په سروې پروګرام کې مو دا ځل مهوش مهب کاکا خېل مېلمنه ده. مهوش په پېښور های کورټ کې وکیله ده. هغه د نور ایجوکېشن ټرسټ په نوم د یوې غیر سرکاري ادارې سره هم کار کوي‌ او له بی وسو ښځو سره مفته قانوني مرسته کوي.

د ښځو لپاره مبارزه مې له کوره پيل کړه: راحيله شکيل

په سروې پروګرام کې مو دا ځل له راحیله شکیل سره خبرې کړي دي. راحیله د شعور فاونډیشن په نوم د یوې غیر سرکاري ادارې مشره ده. دغه اداره د جینکو تعلیم، صحت او د ښځود پیاوړی مولو تر څنګ په ټولنیزو مسلو کار کوي.‌ ملیحې امیرزاده ورسره خبرې کړي‌ دي.‌

په "اهنګ کده" کې مو لسګونه کسانو ته رباب ښوولی دی: بلال خان بلال

د دې اوونۍ د "هارون باچا هنري ګړۍ" خپرونې مېلمه مو د ملاکنډ د تاڼې کلي يو ځوان رباب غږوونکی بلال خان بلال دی.

د هنګو ځوانان څه ستونزې لري؟

د دې اوونۍ په "ځوانانو غږ" خپرونه کې مو د خیبر پښتونخوا د هنګو ضلعې د ځوانانو پر ستونزو غږېدلي یو. له موږ سره مېلمانه په قامي اسمبلۍ کې د هنګو استازی او د واکمن تحریک انصاف سیاستوال خان زمان اورکزی او د هنګو د ځوانانو په استازیتوب دوه مدني فعالان لکه پښتنه اورکزۍ او مصطفا بنګښ دي.

پاکستان کې د ترهګرۍ پېښو ته کتنه

د ترهګرۍ پېښو کې د زياتوالې علتونه څه دي او مخنيوي يې څنګه ممکن دی؟ دا پوښتنې مو په خپرونه کې څېړلې دي چې تاسې یې د غږ په ځای کې اورېدای شئ.

د پښتو شعرونو پرلیکه زېرمتون

بختيار خټک "لټون ميوزک" پروژه ولې پيل کړه؟

د دې اوونۍ په "هارون باچا هنري ګړۍ" خپرونه کې مو له پېژندلي سندرغاړي بختيار خټک سره د ده د "لټون ميوزک" پروژې په اړه خبرې کړې دي.

ځان ژغورل قام ژغورل دي: ډاکټر ناصر خان

دا اوونۍ په مشال مرکه کې ډاکټر ناصر خان زموږ ميلمه دی. نوموړی د اسلام اباد په شفا روغتون کې سپېشلسټ دی. ډاکټر ناصر خان یو له هغو ډاکټرانو څخه دی چې د کورونا وايرس وبايي حالاتو کې یې په روغتون کې پر کوويډ ـ ۱۹ ناروغۍ د اخته کسانو درملنه کوله. د پروګرام کوروبه ګل اياز دی.

افغانې ښځې وایي سولې ته لېواله دي

د افغانستان د بیلا بېلو ریاشتونو ښځې او نجونې که له یوې خوا د سولې لپاره روانو خبرو ته خوشاله دي، بل لوري ته هغوي سره په راتلونکې ممکنه سوله کې د ښځو د حقونو په برخه کې اندېښنې موجودې دي. د دوی په وینا افغانې ښځې په هېڅ ډول دې ته حاضرې نه دي چې د هغوی د نېږدې دوه لسیزو لاسته راوړنې او پرمختګونه د

لوګری ساز د ژوند عکاسي کوي: اسفندیار خټک

په هارون باچا هنري ګړۍ کې له خانزاده اسفندیار خټک سره غږېدلي یو. دی یو پېژندلی رقاص دی چې د پاکستان دننه او بهر یې خپل هنر ښوولی دی.

د پښتونخوا د قدرتي وسایلو او زېرمو په اړه له ډاکټر فضل ربي سره مرکه

د مشال مرکه کې مو دا اوونۍ ډاکټر فضل ربي ميلمه دی. د نوموړي تعلق صوابۍ سره دی. ډاکټر فضل ربي په لومړي وار په ۱۹۹۶م کال کې په قبايلي ضلعو کې د تيلو او قدرتي زيرمو دعوه کړې وه. نوموړي په قبايلي ضلعو کې د قدرتي زيرمو په اړه پراخه څيړنې کړي دي او پي ایچ ډي کړي. د پروګرام کوربه ګل اياز دی.

د افغان سولې مذاکرات او د پاکستان کردار

د مشال راډیو تر رڼا لاندې خپرونه کې د افغانستان سولې موضوع څېړو. د قطر پلازمېنه دوحه کې د افغان حکومت او طالبانو ترمنځ د سولې خبرې د سېپټېمبر پر ۱۲مه پیل شوي وې. د سولې مذاکرو پر مهال د افغانستان لپاره د امريکا ځانګړې استازې زلمې خليلزاد، همداراز د افغانستان پخلاينې شورا مشر ډاکټر عبدالله عبدالله د