نجیب الله الوخېل په خوست کې د مشال راډیو خبریال دی او د خوست، پکتیا، پکتیکا او لوګر پر حالاتو رپورټونه جوړوي.
د لوګر سیمه ییز چارواکي وايي، د دې ولایت د امنیتي ادارو له خوا د نوي نظام د رامنځته کیدو وروسته د غصب شویو دولتي ځمکو د خلاصون لپاره عملیات شوي او په ترڅ کې يې یاده ځمکه او رهایشي نمرې خلاصې کړې دي.
د افغانستان په خوست ولايت کې د زرغون افغانستان په نوم کرکټ سيالۍ د مې پر ۲۰مه پای ته ورسېدې. د دې سیالیو اتلولي د نجیب ځدراڼ په مشرۍ هندوکش لوبډلې په خپل نوم کړه. پایلوبې ته پر زرګونو خوستوالو سربېره د طالبانو د حکومت یو شمېر چارواکي هم ورغلي ول.
د طالبانو د خوست والي مولوي محمدنبي عمري په خبرو کې د څلورو ولایتونو د مشرانو او عالمانو ګډې غونډې ته وویل، که چیرې کومې خوا سرغړونه کوله، نو حکومت سره امکانات شته، چې په جبري ډول ورباندې پرېکړه عملي کړي.
د افغانستان د کرکټ د ملي لوبډلې د یو شمېر مشهورو لوبغاړو په ګډون په خوست کې د زرغون افغانستان په نوم د کرکټ یو ورځنۍ لوبې پیل شوې دي. د افغان کرکټ بورډ د مسوولینو په وینا، د دې لوبو مهمې موخې راتلونکو ۵۰ اوریزو لوبو ته د لوبغاړو چمتووالی او د ځوانو لوبغاړو د تجربو زیاتول دي. ویډیويي رپورټ.
په خوست کې د تيليسيما يا کمخونۍ ناروغان له حکومت او خيريه ادارو د مرستې غوښتنه کوي. په دوی کې ډيری یې داسې دي چې په ليري پرتو سیمو کې اوسیږي او د درملنې وس یې نشته. نور حال یې په دې ويډيو کې وګورئ.
په اتلولۍ کې درې لوبډلې پامیر د ګلبدین نایب په مشرۍ، میوند ساتونکي د حشمت الله شهیدي او هندوکش د افسر ځاځی په مشرۍ برخه اخلي.
حقاني دا څرګندونې پر داسې مهال کړې دي چې طالبان پر نړیوال کچ له انتقاد او سخت فشار سره مخامخ دي خو هغوی وايي، پر دې موضوع یې بحث ته دوام ورکړی دی او دا چې هڅه کوي چې د نجونو د تعلیم لپاره مناسبه فضا برابره کړي.
په خوست کې درزیان (خیاطان) وايي، د اختر له راتګ سره یې کاروبار ښه شوی دی. دوی همداراز ګڼي د امنیتي ستونزو کمېدلو یې هم پر کاروبار مثبت اغېز کړی دی. په افغانستان کې د اختر لپاره د نویو جامو ګنډل پخوانی دود دی. ویډیويي رپورټ.
د طالبانو حکومت په بیا بیا ویلي دي چې د نجونو د زده کړو د لازمو شرایطو تر برابرولو وروسته به یې تر شپږم ټولګي پورته ښوونځي بیا پرانیزي خو پر ژمنه سربېره یې سږ کال د مارچ پر ۲۳مه د نجونو مکتبونه بیا خلاص نه کړل.
په خوست کې ګڼو خلکو د هغه ولایت پر یوشمېر کلیو د پاکستانیو ځواکونو بمباري غندلې. د اپرېل پر ۱۶مه مازیګر مهال د خوست اوسېدونکي د ښار منځ ته ورغلي ول او هلته یې د پاکستان ضد نعرې ووهلې.
په پکتیا کې د اطلاعاتو او فرهنګ ریاست چارواکي وايي، چې پکتیا غږ راډیو د اقتصادي ستونزو له کبله خپرونې بندې کړي او کله چې يې دا ستونزې حل شي، بېرته به خپل نشریات پیل کړي.
د افغانستان د خوست اوسیدونکي د روژې په روانه میاشت کې د خوراکي توکو د بیو له لوړیدو شکایت کوي او غوښتنه کوي چې مسوولې ادارې دې د توکو د نرخونو کنټرول ته پاملرنه وکړي. دوی وايي، د خلکو اقتصاد کمزوری دی خو د توکو بیې په ځانګړې توګه په روژه کې په لوړیدو دي.
د روان ۲۰۲۲ز کال د اپریل پر اوله د خوست شېخ زاید پوهنتون له شپږو پوهنځیو څخه د ۳۳ ښځو په ګډون ۸۳۰ کسان فارغ شول. فارغ شوي زده کوونکي وايي چې د دوی لپاره دې د ماسټرۍ او پي اېچ ډي پروګرامونه پیل کړل شي تر څو د هغوی کاري وړتیاوې لوړې شي.
دوی وايي، د اوسني وخت مسولیت دی چې فارغ شویو ځوانانو لپاره د ماسټرۍ او دوکتورا تر کچې د زده کړو زمینه برابره شي، تر څو په خپلو مسلکونو پوره برلاسي شي.
د طالبانو د حکومت ویاند او د اطلاعاتو او فرهنګ وزارت مرستیال ذبیح الله مجاهد وايي، د روغتیا، پولیسو او ځینو نورو برخو کې چې ټولنې ورته اړتیا ده، دوی ته د فعالیت اجازه ورکړل شوې او په نورو برخو کې هم چې ورته اړتیا پيښيږي، هغو ته به ښځې جذبیږي.
د سیمې یوه اوسېدونکي خلیل الرحمان قلمیار مشال راډیو ته وویل، چاودنه هغه مهال وشوه چې خلک د جمعې تر لمانځه وروسته له جومات وروتل.
د افغانستان د یوشمېر نورو ولایتونو ترڅنګ د خوست شیخ زاید پوهنتون هم د فبرورۍ پر ۲۶مه د نجونو او هلکانو پرمخ پرانیستل شو. د ۲۰۲۱ز کال د اګست په نیمايي کې چې پر افغانستان طالبان واکمن شول نو په اکثریت ولایتونو کې تر شپږم ټولګي وروسته د نجونو تعلیمي بهیر ودرېد. ویډیويي رپورټ.
نور وښیئ
