عظمت علي شاه په پېښور کې د مشال راډیو خبریال دی چې د خیبر پښتونخوا پر سیاسي او امنیتي چارو او د خلکو د ژوند ژواک په اړه راپورونه جوړوي.
پاکستان تحریک انصاف ګوند د خیبر پښتونخوا په ګډون د هېواد په زیاتره ښارونو کې د ګرانۍ ضد احتجاجي غونډې کړې دي. د پاکستان وفاقي حکومت وايي، په ۲۰۱۸ز کال کې د تحریک انصاف له واکمنېدو راهیسې د ۲۰۲۲ز کال په اپرېل کې د پخواني وزیراعظم عمران خان تر ګوښه کېدو پورې د هېواد اقتصاد خورا خراب شو. ویډیويي رپورټ
د نوښار مرستیاله کمېشنره قرة العین وايي، په یاده ضلع کې د سېلابونو له وجې خلکو ته د اوښتو زیانونو جاج اخلي او اړمنو خلکو ته به مرسته رسوي.
د خيبر پښتونخوا د مردان په عبدالولي خان پوهنتون کې د پښتونخوا کالج اف ارټس د زده کوونکو د فراغت په مناسبت دوه ورځنی کلتوري نندارتون شوی وو. په نندارتون کې زده کوونکو بېلا بېل انځورونه، جامې، پيزار او نور شيان جوړ کړي ول. نور حال د عظمت علي شاه په ويډيويي راپور کې وګورئ.
په پېښور کې د اګست پر ۱۵مه د عوامي نېشنل ګوند په کوربه توب "پښتون قامي امن جرګه" وشوه چې پکې د بېلا بېلو ګوندونو استازو، استادانو، شاعرانو او پوهانو ګډون وکړ. ګډونوال پر ۱۱ غوښتنو سلا شول او په يوه خوله يې له تحريک طالبان پاکستان سره د حکومتي مذاکراتو اوسنۍ بڼه رد کړه.
پښتون ژغورنې غورځنګ (پي ټي اېم) په خیبر پښتونخوا او قبایلي سیمو کې د ناامنیو او هدفي وژنو ضد مظاهرې کړې دي. د غورځنګ مخکښه مشرانو او پلویانو د اګست پر ۱۰مه د پېښور، کراچۍ او ژوب په ګډون په یوشمېر سیمو کې احتجاجونه وکړل او پر حکومت یې غږ وکړ چې د ناامنیو مخه دې ونیسي. د خیبر پښتونخوا حکومت او امنیتي
مېرمن صبا خان د خيبر پښتونخوا په چارسده کې په نشو د روږدو کسانو د درملنې يو مرکز چلوي. نوموړې وايي چې د يوې ښځې لپاره دا ډول مرکز پر خپل سر چلول ګران کار دی خو د خپل پلار او کورنۍ په مرسته يې په نشو د روږدو کسانو درملنه دوه کاله وړاندې پيل کړې ده.
په پاکستان کې د خوړو یا پخلي د تېلو او غوړیو بیو تر لوړېدو وروسته د چارسدې یوه کروندګر پر ۱۰ جریبه ځمکه د لمرپرست ګل (لمرګلی او افتاب پرست هم بلل کېږي) فصل کرلی. دی وايي، نه یوازې د کورني استعمال تېل پیدا کوي، بلکې په بازار یې هم خرڅوي. ویډیويي رپورټ.
د شمالي وزیرستان سره تعلق لرونکو لسګونو د جولای په ۲۶مه په پېښور کې د پریس کلب مخې ته خپله احتجاجي ناسته پیل کړه. دا هغه کسان دي چې په شمالي وزیرستان کې د جنګونو له وجې په عارضي ډول بې ځایه شوي دي. دا خلک وايي، د ۷,۰۰۰ کورنیو د کډوالۍ حیثیت ختم کړل شوی، حال دا چې دغه کورنۍ لا هم خپل
په مردان کې یوه نانوايي (نانبايي) د بېوزله خلکو لپاره د "نېکۍ ټوکرۍ" ایښې چې پکې خلک له خپل وس سره سم، ډوډۍ اچوي او اړمن کسان یې وړیا ورڅخه اخلي. د ښار اوسېدونکي وايي، د ګرانۍ زیاتېدو له وجې ګڼ خلک د غربت ښکار شوي دي. ویډیويي رپورټ.
جمعیت علمای اسلام (ف) په قبايلي ضلعو کې د هدفي او تېره اوونۍ په پېښور کې د درو نجونو د وژنو پرضد په ټوله خيبر پښتونخوا کې احتجاجي مظاهرې کړې دي. د جولای پر ۲۴مه په پېښور کې د خبریالانو مرکز مخې ته احتجاج ته د ګوند یوشمېر مشران او ملاتړي ورغلي ول. ویډیويي رپورټ.
په نړۍ کې هر کال د جولای پر ۲۲مه د امونو ورځ لمانځل کېږي. ام په نړۍ کې يوه تر ټولو نوموتې مېوه ده چې زياتره خلک يې په ډېر شوق خوري، خو په نړۍ کې د امونو په پینځم لوی پیداواري هېواد پاکستان کې یې پيداوار د تېر کال پرتله سږ کال شاوخوا نيمايي کم شوی دی.
د لوی اختر په مناسبت د څارويو د قربانيو کولو لپاره د چړو او تبرونو د اخيستو اړتيا پېدا شوې خو د اوسپینو د بیو د لوړېدو له کبله سږکال د نوو چړو او تبرونو کاروبار اغېزمن شوی دی. خو ورسره د زړو چړو او تبرونو مرمت او تېره کوونکيو کاروبار بيا ښه شوی دی.
د خيبر پښتونخوا په مردان کې د پوليسو په تاڼه بمي بريد شوی چې پکې یو پوليس والا وژل شوی او دوه پوليس او دوه ولسي وګړي ټپیان شوي دي. د پوليس چارواکي وايي چې په بم کې ۱۰ کلوګرامه بارودي توکې استعمال شوي دي.
د خيبر پښتونخوا په مردان کې نرښځيان وايي چې د پوليس له خوا يې د لګول شويو "بنديزونو" له کبله روزګار خراب شوی دی. نرښځيانو په وروستيو کې په پېښور کې د مردان پوليسو مشر پر ضد خبري غونډه هم کړې وه او تور یې پورې کړی وو چې هغه ورته له مردانه د وتلو امر کړی دی. خو د مردان پوليس دغه تور ردوي.
د خیبر پښتونخوا حکومت او خیریه ټولنو د افغانستان زلزله ځپلو سیمو ته په مرستو بار لارۍ استولې دي. حکومتي چارواکو د جون پر ۲۳مه په پېښور کې مرستې د طالبانو د حکومت قونصلګر ته ورسپارلې. ویډیويي رپورټ.
د پاکستان د جماعت اسلامي ګوند د ځوانانو څانګې د جون پر ۲۲مه د پېښور خبریالانو مخې ته د هغو څلورو ځوانانو د وژنې پرضد مظاهره وکړه چې د جون پر ۱۹مه وسله والو په شمالي وزيرستان کې په يوه هدفي بريد کې وژلي ول. د شمالي وزیرستان پولیس وايي، د برید پلټنې کوي او پکې د ککړو کسانو نیولو ته ژمن دي.
د پاکستان تحریک انصاف د مشر عمران خان په وینا، د هغه ګوند غړو او پلویانو د جون ۲۰مې پر ماخوستن د اسلام اباد، پېښور او مردان په ګډون په یوشمېر ښارونو کې مظاهرې وکړې. عمران خان احتجاجي جلسو ته په ویډیويي وینا کې تور پورې کړ چې حکومت د ګرانۍ په کمولو او اقتصاد سمولو کې پاتې راغلی دی. ویډیويي رپورټ.
د پېښور نانبایانو د ښار ټول تنورونه تړلي دي چې له وجې یې د خیبر پښتونخوا په مرکز او شاوخوا سیمو کې د ډوډۍ کمښت پیدا شوی او همداراز، د ډوډۍ بیه لوړه شوې. دوی د جون پر ۱۵مه کاربندیز تر هغه احتجاجي لاریون یوه اوونۍ وروسته پیل کړی
په لاهور کې د پاکستان د نارنجي مېټرو (اورېنج مېټرو) اورګاډی سروېس په ۲۰۲۰ز کال کې پیل شو. د لاهور یوه اوسېدونکې وايي، په هغو ګاډو کې ځان خوندي احساسوي. امنیتي کارکوونکي د مېټرو په تمځایونو کې د خلکو سامانونه هم تالاشي کوي چې د ورانکاریو مخه ونیولای شي. نور معلومات په ویډیو کې.
د خیبر پښتونخوا حکومت د ۲۰۲۲-۲۳ز مالي کال لپاره د ۱،۱۳۲ اربه روپیو بجټ اسمبلۍ ته وړاندې کړ. د لوړو زده کړو او اطلاعاتو چارو وزیر کامران بنګښ د جون پر ۱۳مه د بودیجې قانوني مسودې تر وړاندې کېدو وروسته مشال راډیو ته وویل، دا یو "عوام دوسته" بجټ دی. خو مخالفه ګوندونه یې دا دعوه نه مني. ویډیويي رپورټ.
نور وښیئ
