د پاکستان او افغانستان تړلو لارو پېښور کې د قیمتي کاڼو کاروبار خراب کړی
د پاکستان او افغانستان ترمینځ د لارو تړل کېدو له وجې د پېښور په نمک منډۍ کې د قیمتي کاڼو او غمیو کاروبار کم شوی دی. په دې بازار کې زیاتره افغانان کاروبار کوي. د ۲۰۲۵ کال په اکتوبر کې د پاکستانيو ځواکونو او په افغانستان کې د طالبانو د حکومتي سرتېرو ترمينځ تر نښتو وروسته د همهغې مياشتې له ۱۲مې نېټې راهيسې د تورخم او چمن په ګډون د دواړو هېوادونو ترمينځ يوشمېر نورې لارې هم د تجارت پرمخ وتړل شوې چې له امله یې تجارت خراب شوی دی. په دې اړه د وسیم سجاد ويډيو راپور وګورئ