فعالانې وايي کورنۍ باید د انلاین ځورونې له ښکار شویو سره ودرېږي
د پاکستان په ګډون په نړۍ کې پر ښځو د تشدد ختمولو ۱۶ ورځنی کیمپېن د ډېسېمبر پر ۱۰مه پای ته رسي. سږ کال د کیمپېن موضوع "پر ښځو د برېښنايي (ډېجیټل) تشدد پر وړاندې یو موټی کېدل"وه. د ملګرو ملتونو او نورو نړیوالو ادارو د کیمپېن هدف په انټرنېټي نړۍ کې د ښځو ځورونو په اړه پوهاوی پیدا کول او مخنیوی دی. په خیبر پښتونخوا کې د ښځو د حقونو مبارزان وايي، په پاکستان کې د برېښنايي ځورونې ضد قوانین شته خو زیاتره ښځې او نجونه ورڅخه بې خبره دي. دوی وايي، که یوه نجلۍ یا ښځه د پرلیکه یا انلاین ځورونې ښکار کېږي نو د کورنۍ غړي باید ورسره ودرېږي. نور په دې راپور کې.