د ژوب او شېرانیو ولسونو د ځنګلونو او ژویو ساتلو هوډ کړی دی
د بلوچستان د پښتون مېشتو سیمو ژوب او شېرانیو خلکو د نومبر پر ۲۳مه او ۲۴مه د خپلو ځنګلونو او ژویو د خوندیتوب لپاره جرګې کړې دي. د جرګو ګډونوالو مشال راډیو ته وویل، ولسونو د "پرګوړ" په نوم له دود سره سم د ځنګلونو او ژویو د ساتلو او ښکار نه کولو پوخ هوډ کړی دی. ژوب او شېراني سیمې د زیتونو او ځڼغوزیو پراخ ځنګلونه لري چې پکې بېلابېل ډول مارغان او ځناور هم اوسي. ویډیويي رپورټ.