د اوکراین پوځي چارواکو ټینګار کړی دی ځواکونه یې لا هم د ختیز وړوکي ښار پوکروفسک د ساتنې لپاره د جګړې په لومړۍ کرښه کې دي.
په عین حال کې د روسیې او اوکراین ځواکونو د نومبر له لومړۍ څخه تر دویمې پورې په بېلابېلو سیمو کې پر یو بل د توغندیو او بې پیلوټه الوتکو حملې کړې دي.
په داسې حال کې چې جګړې زور اخیستی دی، د کرېملېن ویاند دېمېتري پېسکوف ویلي، اوسمهال د روسیې او امریکا د ولسمشرانو ترمینځ لیدنه ضروري نه ده.
د نوموړي دا څرګندونې د نومبر پر دویمه په تاس خبري اژانس کې خپرې شوې دي چې ورڅخه څرګندېږي چې له سره دې چې د امریکا په مشرۍ د سولې هڅې روانې دي مسکو هوډ کړی چې په اوکراین کې له شاوخوا څلورو کلونو راهیسې روانې جګړې ته دوام ورکړي.
د اوکراین د پوځ مشر د نومبر پر دویمه خبر ورکړی چې روسیې یې پر هېواد د نومبر لومړۍ پر شپه د سکندر اېم بیلېسټېک توغندیو او ډرونونو ۷۹ حملې کړې دي.
پوځي چارواکي وايي، په اودېسا ښار کې د روسیې په ډرون برید کې دوه تنه وژل شوي او یو ژوبل دی. دوی زیاتوي، په حمله کې "ملکي بېخبنا یا انفراسټرکچر" ته زیان اوښتی دی.
