معلوماتو ته د لاسرسي د ارزښت په نامه خوست کې غونډه وشوه
د خوست قومي مخور او ځوان فعالان غوښتنه کوي چې معلوماتو ته د خلکو د لاسرسي په خاطر دې له رسنیو هر اړخیز ملاتړ وشي. معلوماتو ته د لاسرسي د ارزښت په نوم د سېپټېمبر په ۲۲مه په خوست کې یوه غونډه هم وشوه چې ورکې د خوست د سیمه ییزو رسنیو استازي، شنونکي، محصلین او د طالبانو د حکومت چارواکي ورغلي ول. ځینو ګډونوالو له مشال راډیو سره د خبرو پر مهال وویل، رسنۍ د ټولنې د ستونزو په رابرڅېره کولو کې مهمه ونډه لري او ورسره د ولس او حکومت ملاتړ اړین دی. نور حال د مشال راډیو د خبریال په راپور کې.