نجیب الله الوخېل په خوست کې د مشال راډیو خبریال دی او د خوست، پکتیا، پکتیکا او لوګر پر حالاتو رپورټونه جوړوي.
د پکتیا ولایت په زرمتو کې د فوټبال د ۱۰ غوره لوبډلو ترمینځ سیالۍ د اتحاد لوبډلې په بریا پای ته رسېدلې دي. د اپرېل پر ۱۷مه د ولایت له بېلابېلو سیمو څخه ګڼ خلک د اتحاد او اتفاق لوبډلو ترمینځ د پایلوبې لیدو ته ورغلي ول. تفصیل په ویډیويي رپورټ کې.
د ملګرو ملتونو کډوالو ادارې (یو اېن اېچ سي ار) د پکتیا ولایت په رباط سیمه کې د ورستنو شویو کډوالو لپاره د روغتیايي مرکز وداني جوړه کړې ده. هغه ۳۰ بستره مرکز په شاوخوا څلور لکه ډالرو جوړ شوی دی. ځايي اوسېدونکي ودانۍ ته خوشاله دي خو وايي چې مرکز دې ژر دې فعاله شي. ویډیويي رپورټ.
د پکتیا په زرمتو ولسوالۍ کې د عالي جانخېل سوپرسټار لوبډلې خروټي کلا اتلانو ته په ماتې ورکولو د "سهاک اتلولۍ جام" ګټلی دی. د جام اووم پړاو سیالۍ د اپرېل پر لومړۍ پیل شوې وې چې تر ۱۲ ورځو روانې وي او پکې د بېلابېلو ولایتونو لوبډلو برخه واخیسته. ویډیويي رپورټ وګورئ.
په پکتیا کې کاروباریان وايي، سږ کال یې بازار ته د خرڅلاو لپاره د مېوه لرونکو او ښکلا لپاره ګڼ نیالګي وروړي خو خلک یې د اقتصادي ستونزو له وجې نه شي اخیستای. د ولایت اوسېدونکي وايي، چارواکي دې ورسره د نیالګیو اخیستو او باغونو جوړولو په برخه کې مرسته وکړي. ویډيويي رپورټ.
د خوست اوسېدونکي وايي، پخوا به یې د کوچني اختر لمانځنه د لوی اختر پرتله مختصره وه خو اوس خلک مختلفو سیمو ته په چکر ځي، مېلې کوي او په بنډارونو د اختر لمانځنه پراخه شوې ده. په خوست کې یوشمېر تفریحي ځایونه او پارکونه دي چې ورته د افغانستان له مختلفو برخو خلک سیل ته ورځي. نور په ویډیويي رپورټ کې.
د خوست ولایت د ترېزیو او عليشېرو ولسوالۍ په تورکاڼي سیمه کې د اوبو د یو کانال او د سړک د محافظوي دېوال جوړېدو چارې پیل شوې دي. د هغو پرمختیايي کارونو پیسې د ملګرو ملتونو د خوړو نړیوال پروګرام ورکوي او پکې ۲۰۰ کسان په کار ګومارل شوي دي. ویډیويي رپورټ.
د مارچ په ۲۴مه په خوست کې د یو خصوصي روغتیايي بنسټ لخوا په روانو خرابو اقتصادي حالاتو کې د ۵۰۰ بې وزله ناروغانو د وړیا درملنې ۳ ورځنی پروګرام پیل شو. په دې پروګرام کې د ناروغانو د کتنې او لابراتواري معایناتو ترڅنګ درمل هم ورکول کېږي.
د خوست په "سرګردان چوک" کې د ښار د نورو ټولو ځایونو پرتله زیاته ګڼه ګوڼه وي. دا د ښار مرکزي څلورلاره او کوڅه ده او ښار ته تلونکي کسان که هلته کار لري او که نه خو یو ځل یې لیدو ته ورځي. نور په ویډیويي رپورټ کې.
د فبروري په ۱۷مه د خوست په میخانیکي انسټیټوټ کې د شاملېدو لپاره د دولسمو ټولګیو ۹۵۰ تنه زده کوونکو ازموینه ورکړه.
په خوست کې د لویو او وړو خیاطیو مسوولین وايي چې سږ کال يې کاروبار ښه شوی او د نورو کلونو پرتله ورته ډېر خلک د جامو ګنډلو لپاره ورځي. د خوست اوسېدونکي هم دې ته خوښ دي چې اوسمهال هلته په هر ډیزاین او فرمایش جامې ګنډل کېږي او د پخوا په شان يې د ګنډلو لپاره نورو ځایونو ته نه لېږدوي. ويډيو رپورټ
د خوست په ځاځي میدان ولسوالۍ کې د حکومتي او ناحکومتي څانګو ډاکترانو او روغتیايي کارکوونکو د سلګونو ناروغانو وړیا معاینې او درملنه کړې ده. د مارچ پر ۱۴مه په یو ورځني روغتیايي کیمپ کې د ګڼو ناروغانو لابراتواري معاینې هم شوې دي. نور په ویډیويي رپورټ کې.
په خوست کې یو سوداګریز شرکت له ۱۰۰ بې وزله او غریبو کورنیو سره د خوراکي توکو مرسته کړې ده. د مارچ پر ۱۴مه د هغې د مرستو منتظمينو وويل چې په افغانستان کې د بې وزلۍ کچه لوړه ده، نو دوی خپلو امکاناتو ته په کتو له یو شمېر بې وزله کورنیو سره د دا ډول مرستو پروګرام لري.
د یو شمېر نړیوالو بنسټونه وايي، په افغانستان کې څه باندې ۲۳ میلیونه خلک سم لاسي بشري مرستو ته اړتیا لري. نور حال د نجیب الله الوخېل په رپوټ ک
دوی زیاتوي چې نه په هغه غرنۍ سیمه کې کار او مزدوري شته او نه کومه بله داسې وسیله لري چې د خپلو کورنیو د خوراک او پوښاک اړتیاوې ورباندې پوره کړي.
د خوست د تریزیو په لیرې پرته سیمه کې د کرکټ پای لوبه شوې ده. د لوبو جوړوونکو کوونکو د دې سیالیو هدف د ځوانانو د ورزشي استعدادونو ښه کول، له نشه يي توکو څخه راګرځول، ترمينځ يې د اړېکو ټينګښت او د یوې او بلې سیمې سره اشنايي پیدا کول بللې ده.
د خوست د خلبیسات میله چې په اونۍ کې یوه ورځ جوړیږي له لویو سوداګریزو میلو څخه ده، مېلې ته د ډول ډول توکو د پېر او پلور لپاره خلک د کابل په ګډون له ګڼو ولایتونو ورځي.
په وروستیو کې په خوست کې چایخانې او د کافي څښلو ځایونه زیات شوی دي چې ګڼ ځوانان د بنډارونو، خوشالیو لمانځلو او د دمې لپاره ورځي. د چایخانو مالکان وايي، هلته د خلکو ورتګ ورځ تر بلې زیاتېږي. ویډیويي راپور.
په خوست کې په وروستیو کې د اندامونو د ښکلا او ورزش یوشمېر کلبونه فعال شوي دي او ورته سلګونه ځوانان د تمرین لپاره ورځي. ورزشکاران وايي، دا سپورټ د فکري سکون، صحت، د وزن کنټرول او کاري وړتیا لپاره ګټور دی. د اندامونو د ښکلا ورزشکاران البته د وسایلو او مسلکي روزونکو د زیاتولو غوښتنه کوي. ویډیويي رپورټ.
په خوست کې د فبرورۍ پر ۱۹مه د زنداني ماشومانو لپاره تفریحي، اصلاحي او ښوونیز پروګرام جوړ شوی وو. پروګرام د طالبانو د حکومت د اطلاعاتو او فرهنګ ریاست جوړ کړی وو چې پکې د شخصي ښوونځیو زده کوونکو د زنداني ماشومانو لپاره اصلاحي ډرامې (تمثیلونه) او ترانې وړاندې کړې. ویډیويي رپورټ.
په خوست کې د یوه بهرني خیریه بنسټ په مرسته پر سلو معیوبینو وېلچېرونه ویشل شوي دي. معیوبینو په دې خوښي څرګنده کړه چې د دې ویلچېرونو په واسطه به يې نېزدې ځایونو ته تګ راتګ اسانه شي.
نور وښیئ
