ماښام خټک وايي د ادبي نوښت پر مهال ځمکني حقایق په پام کې نيول پکار دي
ماښام خټک په کراچۍ کې د اوسېدونکو هغو د ګوتو په شمار ليکوالانو څخه یو دی چې ادبي سفر يې په يو پړاو هم نه دی ودرېدلی. هغه که څه هم د پېشې له پلوه وکیل دی او په هغه میدان کې ښه مصروفه هم دی خو د شوق له مخې ادبي خدمتونه کوي. نوموړي په شعر او نثر کې ۲۵ کتابونه لیکلي دي چې پکې د تخلیق ترڅنګ تحقیق هم شوی دی. د دې ترڅنګ ماښام خټک هڅه کوي چې په کراچۍ کې د پښتو، اردو او نورو ژبو په ادبي محفلونو کې هم ګډون وکړي. د ماښام خټک د ژوند او کار په اړه نور تفصیل په دې مرکه کې واورئ.