د خوست له طبي پوهنځیو فارغان د اېګزېټ ازموینو ځنډېدو اندېښمن کړي
په خوست کې د نیمه لوړو روغتیايي زده کړو یو شمېر فارغان وايي، شاوخوا درې کاله کیږي چې له دوی د فراغت وروستۍ (اېګزېټ) ازموینه نه ده اخیستل شوې. د افغانستان په ګډون د نړۍ په مختلفو هېوادونو کې له طب پوهنځي فارغان باید د عملي کار د اجازتنامې ترلاسه کولو لپاره یوه دولتي ازموینه ورکړي چې اېګزېټ ورته ویل کېږي. په خوست کې د روغتیا د انسټیټيوټونو مسوولین وايي پخوا به د اېګزېټ ازموینه د خصوصي انسټیټیوټونو د ریاست لخوا اخیستل کېده خو اوس دا د ازموینو د ملي ادارې لخوا اخیستل کېږي نو ځکه پرې زیات وخت لګېږي. د مشال راډیو ویډیويي راپور وګورئ.