د کراچۍ ټرانسپورټرانو د لاریو سوځولو ضد پرلت وهلی دی
په کراچۍ کې د ډمپر ټرکونو د ټولنې غړو تر هغې وروسته احتجاجي پرلت وهلی دی چې پارېدلو کسانو لږ تر لږه اته لارۍ وسوځولې. پولیس وايي، د اګست پر ۱۰مه سهار پر راشد منهاس سړک یو ټرک پر موټرسایکل سپاره خور او ورور ووهل چې وروسته یې سا ورکړه. د دې پر ضد پارېدلو خلکو پر هغو مال لېږدوونکو ګاډو حملې وکړې. پولیس وايي، د ټرکونو سوځولو په تړاو یې ۱۵ تنه نیولي دي. وروسته ټرانسپورټرانو احتجاجي ناسته پیل کړه او د کراچۍ او حیدر اباد ترمینځ سړک یې تړلی دی. ویډیويي رپورټ.