خوست کې د کانکور ازموینه کې د لوړو نمرو اخیستونکي ستایل شوي
په خوست کې د ۱۲م ټولګي هغه فارغان ستایل شوي چې د کانکور په سږنۍ ازموینه کې یې لوړې نمرې اخیستې دي او د کابل په ګډون یې په نورو پوهنتونونو کې د تعلیم موقع ترلاسه کړې ده. په ستاینغونډه کې یوازې هلکان موجود ول ځکه چې طالبانو له خپلې واکمنېدو راهیسې تر شپږم ټولګي پورته د نجونو پر تعلیم بندیز لګولی دی او له نجونو د کانکور ازموینه هم نه اخیستل کېږي. په خوست کې سږ کال په کانکور ازموینه کې ۳،۳۰۰ هلکانو برخه واخیسته. په افغانستان کې تر ۱۲م ټولګي وروسته هغه ټول زده کوونکي چې په دولتي پوهنتونونو کې زده کړې کول غواړي، د داخلې یو امتحان ورکوي چې کانکور نومېږي. ویډيويي رپورټ.