د بنو خلکو د تښتول شوي استاد د خوشې کولو لپاره احتجاج کړی
د مې پر ۱مه، په بنو کې خلکو د يو تښتول شوي استاد د خوشې کولو لپاره احتجاج کړی دی. د بنو بازار هم د احتجاج په توګه بند وو او خلکو غوښتنه کوله چې حکومت دې د خلکو حفاظت وکړي او تښتول شوی تن دې روغ رمټ کور ته ستون کړي. هغه استاد فرمان علي شاه نومېده چې د اپريل پر ۲۳مه، نامعلومو وسله والو تښتولی وو. ځايي پولیس وايي د هغه د موندلو لپاره یې هڅې روانې دي. خو د بنو خلک وايي ورځ تر بلې ناامني زیاتېږي چې دوی یې نوره نه شي زغملی. په دې اړه د عمر وزیر ويډيو راپور وګورئ.