عمر وزیر د مشال راډیو خبریال دی چې د شمالي وزیرستان، بنو او لکي مروت پر امنیت، اقتصاد، سیاسي او ټولنیزو چارو رپورټونه جوړوي.
د اتمانزو جرګې په شمالي وزیرستان کې د بدامنۍ او د پوځ او وسلوالو ترمینځ په جګړه کې د ولسي خلکو د نخښه کېدو خلاف تر دې وړاندې په وار وار مظاهرې او پرلتونه هم کړي دي.
د بنو پولیس داراز وايي، هم د اتوار (یکشنبې) پر ورځ وسلوالو د میریانو تاڼې په حدودو کې یو پل په چوونکو موادو الوځولی دی.
د بازار د دوکاندارنو کمېټۍ مشرانو د جنورۍ پر ۱۶مه په ميرامشا کې د خبريالانو په ځايي مرکز د خبري غونډې پر مهال اعلان وکړ چې که د معاوضو وېش ژر پيل نه شو نو د فرورۍ پر اتمه به په ټول وزيرستان کې کاربنديز او پيه جام هړتال کوي.
د میرلي په څلور لاره کې د جنورۍ پر دویمه راغونډ شویو په زرګونه خلکو کې د سیاسي ګوندونو ځايي مشران او استازي، د بشري حقونو فعالان او عام ولس شریک وو. د غونډې ویناوالو وویل، د وسلوالو او پوځ ترمنځ په نښتو کې په بیا بیا ولسي وګړو ته مرګ ژوبله اوړي.
د خیبرپښتونخوا په بنو کې يو کتابتون دی چې د انګریزانو په وخت کې جوړ شوی دی. دا کتابتون اوس هم فعال دی خو ډيری ورتلونکي خلک یې ځوانان نه بلکې د پاخه عمر خلک دي. هلته ورتلونکي کسان وايي چې دا مخ په خرابېدونکې وداني له نقصان سره مخ ده نو ځکه باید بیا ورغول شي. په دې اړه د عمر وزير ويډيو راپور وګورئ
د بنو ډیوژن د پولیسو مشر سجاد خان د ډېسېمبر پر ۲۶مه ماښام مهال مشال راډیو ته وویل چې دا عملیات د لکي مروت په تختي خېلو کې د پولیسو ترهګرۍ ضد څانګې او ځايي امن لښکر په ګډه ترسره کړي دي.
د میرلي د حسوخېلو یو بل اوسېدونکی مقتدر شفقت داوړ د ډېسمېبر پر ۲۵مه مشال راډيو ته وویل، خلک د "سختې وېرې" ښکار دي ځکه چې امنیتي ځواکونه او وسلوال پر یو بل مارټر توغندي وروي او پکې ولسي وګړو ته مرګژوبله اوړي.
هلته د اتمانزو جرګې ویاند مفتي بیت الله د ډېسېمبر پر ۱۹مه په میرامشا پرېس کلب کې خبریالانو ته وویل چې د روانې بدامنۍ خلاف د ۲۰۲۶ز کال د جنورۍ په دویمه نېټه د امن پاڅون کوي.
دوو امنیتي او استخباراتي چارواکو، چې له رسنیو سره یې د خبرو اجازه نه لرله، د نوم نه ښوولو په شرط مشال راډیو ته وویل چې یو ځانمرګي بریدګر د ډېسېمبر پر ۱۹مه سهار مهال له بارودو ډک ګاډی د پوځي ودانۍ له دېوال سره وجنګاوه.
د ښار یوشمېر اوسېدونکو او سیاستوالانو مشال راډیو ته وویل، د ډېسېمبر پر ۱۷مه هلته شاوخوا ټوله ورځ د امنیتي ځواکونو او وسلوالو ترمینځ نښته روانه وه چې پکې د موسکي کلي یو اوسېدونکی نعیم الله ووژل شو او د میرلي پینځه ولسي وګړي ژوبل شول.
د سیمې یوشمېر اوسېدونکو د ډېسېمبر پر ۱۷مه مشال راډیو ته وویل، کله چې وسلوال له ابادۍ څخه پر پوځي کیمپ توغندي وولي، نو هغوی بیا له کیمپه مارټر مرمۍ ولي او له هېلېکاپټرو او ډرونونو څخه بمونه غورځوي.
د مشال راډیو د پخواني خبریال او د قبایلي ضلعو یو نومیالي ژورنالسټ سېلاب مسید پنځم تلین په پېښور کې لمانځل شوی دی. په دې غونډه کې یو شمېر خبریالانو او ځینو حکومتي چارواکو هم ګډون کړی وو. د غونډې ویناوالو د سېلاب مسید د ژوند او کار په اړه د خپلو خیالاتو څرګندونه کړې ده.
د بازار د دوکاندارنو کمېټۍ مشرانو د ډېسېمبر پر اتمه مشال راډیو ته وویل، کلونه، کلونه وکړېدل او اوس یو لوري ته په ضلع کې ناامني ده او بل خوا ته له افغانستان سره سوداګري بنده ده چې له وجې یې کاروبارونه لا زیات اغېزمن شوي، خو پر دې سربېره یې چارواکي غږ نه اوري او تاوانونه نه ورکوي.
د کډوالو یو بل مشر ملک مشورت خان د ډېسېمبر پر پنځمه مشال راډیو ته وویل چې په بکاخېلو کیمپ کې د هغوی لپاره هېڅ ډول سهولتونه نشته، مرستې هم ورباندې درېدلې دي او حکومت یې د واپسۍ غم هم نه خوري نو په داسې حال کې هغوی یو وارې بیا اړ شوي چې پرلت او احتجاج وکړي.
اعلامیه وايي، د خوړو نړیوال پروګرام (ډبلیو اېف پي)، د ملګرو ملتونو د ماشومانو ادارې (یونېسېف) او د ملګرو ملتونو د نفوس یا ابادۍ چارو ادارې کنټینرونه به په پړاوونو کې افغانستان ته لېږدول کېږي.
د شمالي وزیرستان مرستیال کمشنر محمد یوسف کریم مشال راډیو ته وویل چې د احتجاج کوونکو کډوالو له مشرانو سره یې څو ځله خبرې وشوې او بلاخره متفق شوي دي.
نور وښیئ
