کراچۍ کې د یوې مذهبي ډلې قهرجنو کسانو د احمدي ټولنې یو غړی وژلی
پوليس وايي چې د پاکستان په کراچۍ ښار کې د اپرېل پر ۱۸مه د مذهبي ډلې "تحریک لبیک پاکستان" قهرجنو مظاهرچیانو د احمدیانو پر عبادتځای بريد وکړ او د هغې مذهبي لږکۍ ډلې يو غړی يې وواژه. پوليس زياتوي چې بريد ګرو هغه کس مذهب ته د سپکاوي په تور وژلی دی چې ولې يې په خپل مرکز کې د جمعې لمونځ کاوه. پولیسو په هغه مرکز کې موجود نور احمدیان خوندي ځای ته انتقال کړل. د فرانس پرېس او رویټرز خبري اژانسونو له ویډیوګانو جوړ رپورټ.