د افغانستان د ۱۹ کلنو کرکټ لوبډلې د درې یو ورځنیو سیالیو په لومړۍ لوبه کې د کوربه نیپال د ۱۹ کلنو لوبډلې په ۱۳۰ منډو ماتې ورکړه.
د اپرېل پر درېیمه په پلازمېنه کټمنډو کې د سیالۍ پچه افغانستان وګټله او لومړی یې توپوهنه (بیټېنګ) غوره کړه.
افغان لوبډلې په ټاکلیو ۵۰ اوورونو کې د نهو لوبغاړو په زیان ۳۰۰ منډې وکړې. فیصل شینوزاده ۹۷ او خالد احمدزي ۷۶ منډې وکړې.
په ځواب کې د نیپال ۱۹ کلنو لوبډله په ۴۷م اوور کې په ۱۷۰ منډو وسوځېده. نیرج یادو ۵۳ منډې وکړې.
شینوزاده د سیالۍ د غوره لوبغاړي جایزه وګټله.
ټاکل شوې چې دواړه لوبډلې د اپرېل پر شپږمه په دویمه او د اپرېل پر نهمه په درېیمه سیالۍ کې یو بل ته مخامخې شي.
