نیو زيلېنډ د کرکټ په لومړۍ یو ورځنۍ لوبه کې پاکستان ته په ۷۳ منډو ماته ورکړه.
د مارچ پر ۲۸مه په ترسره شوې لوبه کې نیو زيلېنډ لومړی بېټنګ وکړ او د نهو لوبغاړو په سر یې ۳۴۴ منډې وکړې.
په ځواب کې د پاکستان ټول لوبغاړي په ۴۵م اوور کې د ۲۷۱ منډو له جوړولو وروسته اوټ شول.
د درو یو ورځنیو لوبو دویمه هغه به د اپرېل پر دویمه او درېیمه به د اپرېل پر پنځمه ترسره کېږي.
تر دې وړاندې کوربه نیو زيلېنډ د پنځو ۲۰ اووریزو لوبو په لړۍ کې پاکستان ته په یو څلور ماته ورکړې وه.
