کاروباریان وايي د خورما بیې د تېر کال پرتله لا زیاتې شوې دي
د نورو اسلامي هېوادونو په څېر په پاکستان کې هم هر کال د روژې له راتګ سره د خورما (کجورو) کاروبار زیات شي ځکه چې ډېری خلک د اسلام د پیغمبر محمد (ص) د سنت پوره کولو لپاره په خورما روژه ماتول غواړي. د کراچۍ په لي مارکېټ کې کاروباریان وايي، پاکستان ته زیاته خورما له ایران او عربي هېوادونو واردېږي. دوی وايي، د لویو مالیو، کرایې او نورو لګښتونو له وجې سږ کال د خورما بیې د پروسږکال پرتله نورې زیاتې شوې دي. په دې اړه لنډ ویډیويي راپور وګورئ.