شېر افضل مروت: تحریک انصاف کې له پښتنو سیاستوالانو سره توپیر پالل کېږي
د پاکستان تحریک انصاف (پي ټي ای) مخکښ سیاستوال او د قامي اسمبلۍ غړی شېر افضل مروت وايي چې په هغه ګوند کې له پښتنو مشرانو سره د ژبني تعصب پر اساس توپیر پالل کېږي. نوموړي د چا نوم وانخیست خو دا دعوه یې د جنورۍ پر ۲۱مه پر داسې مهال له مشال راډیو سره کړې چې د ګوند مشرتابه ورته د ضوابطو د سرغړونې پر اساس نوټس ورکړی دی. مروت وايي، پرضد یې پروپیګنډه شوې ده او د مقرراتو هېڅ سرغړونه یې نه ده کړې. له نوموړي سره بشپړه ویډیويي مرکه وګورئ.