عمران یونس په اسلام اباد کې د مشال راډیو همکار دی چې پر بېلابېلو موضوعاتو ویډیوګانې جوړوي چې د مشال راډیو خبریالان بیا ورڅخه راپورونه تیاروي.
شنونکي او پاکستاني پوځ له پخواني پوځي چارواکي برېګيډېر ريټايرډ سید نذیر سره په دې اړه مرکه کړې چې بلوڅ بېلتون غوښتونکي منظم شوي او قوي شوي دي او که نه د پاکستان امنیتي او جاسوسي ادارو هغوی کمزوري کي دي؟ له سید نذیر سره بشپړه ويډيويي مرکه وګورئ.
په اسلام اباد کې د ښځو مېلې په نوم دوه ورځنی بازار لګېدلی وو چې پکې بېلابېل شیان خرڅلاو ته ایښوول شوي ول. هغه مېله د فبرورۍ پر لومړۍ پای ته ورسېده چې ورته ګڼ خلک ورغلي ول. د مېلې هدف په کور کې دننه کارکوونکو ښځو ته د کاروبار موقع برابرول ول. ویډیويي رپورټ.
د پاکستان د قامي وطن ګوند مشر افتاب احمد خان شېرپاو وايي، په کنګل ژمي کې د خيبر له تيرا څخه خلک کډو کولو ته مجبورول په ولس کې ناهیلې خپروي.
په اسلام اباد کې د ستراتيژیکو مطالعاتو په مرکز کې د کتابتون مشر سید عابد حسین وايي، یو مهال به کتابتونونو ته ډېری خلک ورتلل خو اوس د خلکو پاملرنه کمه شوې ده.
په اسلام اباد کې د ستراتيژیکو مطالعاتو په حکومتي اداره کې د افغانستان، منځني ختیځ او افریقا د څانګې مشره ډاکټر امنه خان وايي چې پاکستان د افغان طالبانو د ملاتړ په تور ۲۰ کاله بدنامي يووړه.
د بلوچستان د سوداګرۍ خونې يا چيمبر اف کامرس مشران اسلام اباد ته تللي دي. دوی له حکومتي چارواکو سره په ملاقاتونو کې ويلي چې که له افغانستان سره د چمن – سپين بولدک، تورخم او نورې لارې خلاصې نه شي نو د سوداګرو روان د ميليونونو ډالرو نقصان به لا ډېر شي.
د پاکستان په پلازمېنه اسلام اباد کې د جونيير جناح ټرسټ په نوم یو خیریه بنسټ د بالغو نجونو او ښځو لپاره وړیا ښوونځی پرانیستی دی. په ښوونځي کې داسې ښځو ته د ځیرک موبایل په مرسته تعلیم ورکول کېږي چې په ټول ژوند کې ښوونځي یا سکول ته نه دي تللې. تفصیل په ویډيويي رپورټ کې.
د پاکستان له نورو برخو سرښار اسلام اباد ته د مزدورۍ لپاره ورغلي مزدوران په یخ ژمی کې هم د سړکونو پر غاړه څملي.
د خیبر پښتونخوا اعلاوزیر سهېل اپرېدي ویلي چې د پنجاب په راولپېنډۍ کې د اډیالې زندان چارواکو یو ځل بیا د خپل ګوند پاکستان تحریک انصاف (پي ټي ای) له بنسټګر او پخواني وزیراعظم عمران خان سره لیدو ته نه دې پرېښی. ویډیويي رپورټ.
د تحریک انصاف پلویانو د پاکستان په سر ښار اسلام اباد کې د مظاهرې پر مهال له حکومته غوښتنه وکړه چې د ګوند له باني عمران خان سره دې د هغه د کورنۍ او ګوند غړو ته د ملاقات اجازه ورکړل شي.
په پاکستان کې د تازه مېوو سوداګر وايي چې د پاکستان او افغانستان ترمینځ د لارو د تړل کېدو له امله اوس له ايرانه تازه مېوې واردوي. دوی وايي، له څه باندې یوې میاشتې راهیسې د لارو بندېدو د تازه مېوو تجارت په ټپه درولی چې له کبله يې د پاکستان سوداګرو ته مالي زیانونه رسېدلي دي. ویډیويي رپورټ وګورئ.
د نومبر پر اتلسمه د پاکستان اپوزيشن ګوندونو اتحاد، تحفظ ايين پاکستان د سپريم کورټ مخې ته د ۲۷م اييني ترميم پر ضد احتجاج وکړ. د احتجاج کوونکو په وينا په دې ترميم سره د سپريم کورټ اختيارات محدود کړل شوي دي. خو د پاکستان د قانون وزير، اعظم نذير تارړ وايي چې په سپريم کورټ د کار زور کم کړی دی.
په اسلام اباد کې د نومبر له اوومې ۱۰ ورځنۍ کلتوري مېله پیل شوې ده. په دې مېله کې د خیبر پښتونخوا دوديز خواړه او لباسونه هم نندارې او خرڅ ته وړاندې شوي دي. مسوولین یې وايي د مېلې يو هدف په لاس د جوړو شویو شيانو هنرمندانو ته د کاروبار موقع برابرول هم دي. نور حال د مشال راډیو په دې راپور کې وګورئ.
د پاکستان په سرښار اسلام اباد کې د ځايي عدالتونو مخې ته ځانمرګي بريد لږ تر لږه ۱۲ کسان وژلي او له ۲۰ زيات يې ژوبل کړي دي. د اسلام اباد د پيمز روغتون انتظاميه وايي چې په ژوبلو کې د ځينو روغتيايي حالت د اندېښنې وړ دی.
په پېښور کې د طالبانو د حکومت قونسل جنرل محب الله شاکر وايي چې په پاکستان کې د افغان کډوالو ستونزې بې ساري دي.
په راولپېنډۍ ښار کې د نسرين جمشيد په نوم يوې ښځې د لاسي هنرونو يو داسې مرکز پرانیستی چې پکې بې وزله ښځو ته مفتې زدکړې ورکوي. په مرکز داسې معیوبه ښځې هم زده کړې کوي او وايي چې نوي هنرونو ورته مالي ګټه رسولې. د راشد خټک او عمران يونس ويډيو
د پښتونخوا ملي عوامي ګوند او د پاکستان د ايين ساتنې غورځنګ په نامه د حکومت مخالفه سياسي اتحاد مشر محمود خان اڅکزي ويلي دي چې افغانستان هيڅکله له پاکستان سره د جګړې خواهش نه دی څرګند کړی.
په پاکستان کې د تندلارې مذهبي او سياسي ډلې، تحريک لبيک پاکستان لخوا په اسلام اباد کې د امريکا د سفارت مخې ته د احتجاج تر اعلان وروسته سرښار ته تلونکې لارې تړل شوې دي. د اکتوبر پر ۱۰مه په اسلام اباد کې موبايل انټرنېټ هم بند کړل شوی دی.
د پاکستان حکومت په امر د افغان کډوالو خپل هېواد ته د ستنېدو لړۍ روانه ده، خو په دې کې داسې کډوال هم شته چې له مجبورۍ د کور ځینې سامانونه په ډېره کمه خرڅوي.
له بلوچستان څخه د پاکستان پيپلز ګوند منتخب سېنېټر بلال احمد خان مندوخېل وايي چې په بلوچستان کې ناامنۍ ته تر ټولو زياته لاره د محرومۍ احساس هواره کړې ده.
نور وښیئ
