د کراچۍ د ځغاستې په سیاليوو کې ۴۰۰۰ ښځو او نارينوو ګډون کړی وو
په کراچۍ کې د جنورۍ پر پینځمه ترسره شوې د سړیو د میراتان منډې سیالي د کرک اسرار خټک وګټله. په دې سیالیو کې سلګونه نارینه او ښځینه ورزشکارانو برخه اخیستې وه، چې موخه یې مثبت او روغتیايي فعالیتونو ته وده ورکول وه. میراتان د اوږد واټن ځغاسته ده چې رسمي فاصله یې څه باندې ۴۲ کیلومټره وي. دا ډول سیالۍ د نړۍ په بېلابېلو هېوادونو کې ترسره کېږي، او په پاکستان کې د چارواکو په وینا، دا په نړیوال معیار ترسره شوې سیالۍ وې. په پاکستان کې ځینې مذهبي ډلې د دې ډول ځغاستې مخالفې دي او ورباندې د بندیز غوښتنه کوي. ویډیو رپورټ