اسلامپال او د دوی د ترکیې ملاتړ لرونکي متحدین د نومبر پر ۲۹مه د سوریې دويم ښار حلب ته ننوتي دي.
دا په داسې حال کې ده چې دوی د ایران او روسیې ملاتړ لرونکو حکومتي ځواکونو پرضد برید پیل کړی دی.
د سوریې د بشري حقونو د څار ډلې په وینا، جنګیالیو د "حلب ښار نیمایي برخه" تر خپل کنټرول لاندې کړې ده او حکومتي ځواکونه وتلي دي.
د دوی په وینا، دغه عمليات د نومبر پر ۲۷مه نېټه هغه وخت پيل شو کله چې په ګاونډي هېواد لبنان کې د اسراييلو او د ايران ملاتړ لرونکې وسله والې ډلې حزب الله تر منځ "کمزوری اوربند" نافذ شو.
د شام د پوځ سرچینې وايي، امنيتي ځواکونو د ښار دننه او بهر ټولې مهمې لارې تړلې دي.
