په تورخم کې د سفري اسنادو نه لرونکو ډرېورانو پر تګ راتګ بنديز لګول کېږي
په تورخم کې د پاکستان د ګمرک (کسټم) چارواکو مشال راډيو ته ويلي دي چې د حکومت له خوا افغان ډرېورانو ته د سفري اسنادو بشپړولو لپاره ورکړل شوی مهلت د مارچ پر ۳۱مه پای ته رسېږي او د اپرېل له لومړۍ نېټې څخه به د پاسپورټ او ویزې نه لرونکو ډرېورانو ته د پاکستان او افغانستان ترمينځ د تګ راتګ اجازه ور نه کړي. بل خوا افغان ډرېوران وایی چې پر پاسپورټ او ویزې اخيستلو باندې ډيرې پیسې او زيات وخت لګېږي نو هغوی ته دې پر ځانګړو کارډونو یا راهداریو د تګ راتګ اجازه ورکړل شي. ويډيو رپورټ
