ایا د پاکستان انتخابات به ازاد او عادلانه وي؟
ټاکل شوې چې د فبرورۍ پر اتمه په پاکستان کې عام انتخابات وشي. ځینې شنونکي وايي چې ښايي دا ټولټاکنې رڼې او منصفانه نه وي. دوی ته ښکاري چې د هېواد پوځ له تحریک انصاف سره د تعلقاتو تر خرابېدو وروسته د مسلم لیګ (ن) پلوي کوي. دا هغه دعوه ده چې پوځ په بیا بیا رد کړې او وايي په سیاسي چارو کې لاسوهنه نه کوي. انتخاباتي کمېشن هم وايي چې ازادو، پاکو او عادلانه انتخاباتو ته ژمن دی. د رویټرز او مشال راډیو له ویډیوګانو جوړ رپورټ.