په پکتیا کې وړیا ژمني کورسونه پيل شوي دي
په پکتیا ولایت کې یو خصوصي بنسټ څه باندې زرو زده کوونکو ته د زده کړو درې میاشتني وړیا ژمني کورسونه پیل کړي دي. په دې کورسونو کې زده کوونکو ته ریاضي، فزیک، کیمیا، پښتو، انګریزي او ځینې نور مضمونونه تدریسیږي. د افغانستان په سړو سیمو کې ښوونځي ډېسېمبر له نیمایي وروسته درې میاشتې رخصت وي. زده کونکي وایي هغه کورسونه د ټولو او په ځانګړی توګه د کانکور تیاري کونکو لپاره ډېر ګټور دي. ویډیویي راپور.