په چمن کې د سوداګرو او مزدورانو احتجاجي پرلت دوام لري
د بلوچستان په پښتون مېشته سیمه چمن کې د ګوندونو، سوداګرو او د پنډیانو یا لغړیانو احتجاجي پرلت پر شپږمه ورځ هم دوام لري. دوی د پاکستان له حکومته غواړي چې پر پوله دې له افغانستان سره د تګ راتګ لپاره پاسپورټ او ویزه نه لازمي کوي. د بلوچستان د اطلاعاتو لنډمهالي وزیر جان محمد اڅکزي د اکتوبر پر ۲۵مه له پرلتوالو سره خبرې وکړې خو نتیجه یې ور نه کړه. نوموړی وايي، د پاسپورټ او ویزې لازمي کول د امنیت ټینګښت او د قاچاق مخنیوي لپاره ضروري دی. ویډیويي رپورټ.
