د پاکستان پوځ وايي، په باجوړ کې د وسلوالو او امنیتي ځواکونو ترمینځ په نښته کې دوه سرتېري او یو وسلوال وژل شوی دی.
د پوځ د عامه اړیکو دفتر (ای اېس پي ار) د نومبر پر ۱۶مه په بیان کې ویلي دي چې پېښه د نومبر پر ۱۵مه شپې مهال د باجوړ په هلال خېلو کې شوې ده.
د بیان له مخې، پوځیانو تر نښتې وروسته له سیمې څخه وسله هم ترلاسه کړې ده.
بیان زیاتوي چې وژل شوی وسلوال د "ترهګرۍ" په بېلابېلو پېښو کې ککړ وو.
تحریک طالبان پاکستان په بیان کې ویلي دي چې په نښته کې یې پوځیانو ته مرګژوبله اړولې ده.
