خوست کې ۳۷ کلنه دښمني په دوستۍ بدله شوه
د خوست په باک ولسوالۍ کې تر شاوخوا درو میاشتو جرګو او غونډو وروسته د درو خواوو ترمینځ پخوانۍ دښمني ختمه شوه او په دوستۍ بدله شوه. د سېپټېمبر پر ۳۰مه تر جرګې وروسته ښکېلو خواوو مشال راډیو ته وویل چې اوس غواړي چې له دښمنیو ځان لیرې وساتي. دوی زیاته کړه چې دښمني یې په پاکستان کې له لفظي شخړې پیل شوې وه چې پکې په څه د پاسه درې نیمو لسیزو کې د ټولو خواوو ۲۳ کسان ووژل شول. نور په ویډیويي رپورټ کې.