د اسامه بن لادن زوی د انځورونو نندارتون پرانیستی
د القاعدې وسله والې ډلې د پخواني مشر اسامه بن لادن زوی عمر بن لادن د خپلو انځورونو نندارتون پرانیستی دی. نوموړی له ۲۰۱۶ز کال راهیسې د فرانسې په نارمندي سیمه کې اوسي. د عمر بن لادن پلار چې په افغانستان کې اوسېده نو ده هم ورسره څه وخت تېر کړی وو. ۴۱ کلن بن لادن په خپل پلرني هېواد سعودي عرب ته نه شي ستنېدای او برتانیې او هسپانیې یې هم هلته د اوسېدو غوښتنلیکونه رد کړي ول. دی وايي، په فرانسه کې هېڅوک ورته د خپل پلار د کړنو له کبله بد نه ګوري. القاعدې ډلې په ۲۰۰۱ز کال کې پر امریکا د ترهګرو حملو ذمه واري منلې وه. اسامه بن لادن په ۲۰۱۱ز کال کې په اېبټ اباد کې د امریکایي ځانګړو ځواکونو په عملیاتو کې وژل شوی وو. د اې اېف پي ویډیويي رپورټ.