افغانستان کې زلزلې سلګونه کسانو ته مرګ ژوبله اړولې
د طالبانو د حکومت چارواکي وايي، په افغانستان کې په زلزله کې د وژل شویو شمېر ۹۲۰ ته رسېدلی او سلګونه ژوبل دي. د جون پر ۲۲مه تر نیمې شپې وروسته زلزلې د پولې هغې خوا ته د شمالي وزیرستان، پېښور او اسلام اباد په ګډون یوشمېر ښارونه لړزولي دي. په شمالي وزیرستان کې په زلزله کې یو سرتېری وژل شوی او دوه ژوبل دي. د رویټرز او اسوشیېټډ پرېس اژانسونو له ویډیوګانو جوړ رپورټ.
