د علي وزير راخوشې کولو لپاره د پي ټي اېم پرلت په درېيمه ورځ هم روان دی
د پښتون ژغورنې غورځنګ لخوا د علي وزیر او نورو بندي غړيو د خوشې کولو لپاره په کراچۍ کې د سيند اسمبلۍ مخې ته احتجاجي پرلت نن (فبرورۍ ۱۵مه) په درېيمه ورځ هم روان دی. د پښتون ژغورنې غورځنګ مخکښ او د پاکستان قامي اسمبلۍ کې د جنوبي وزيرستان منتخب استازی علي وزير له تېرو ۱۴ مياشتو راهيسې په کراچۍ کې زنداني دی. د پښتون ژغورنې غورځنګ مشر منظور پشتين ويلي چې علي وزير "د جمهور غږ" دی او د هغه تر خوشې کېدو پورې به پرلت دوام ولري. نور حال د نياز علي خان په ويډيويي راپور کې وګورئ.
