په عدلیه کې د درغلۍ تصور په اړه له قاضي وجیه الدین سره مرکه
شفافیت نړیوالې ادارې (ټرانسپیرنسي انټرنیشنل) په تازه رپورټ کې ویلي دي چې په پاکستان کې خلک فکر کوي چې په هغه هېواد کې تر پولیسو وروسته په عدلیه کې تر ټولو زیات اداري فساد یا درغلي کېږي. د هغې ادارې د پاکستان څانګې د ډېسېمبر پر اتمه وویل چې دا رپورټ یې د اکتوبر له نیمايي څخه یې د هغې میاشتې تر پای پورې د پاکستان په بېلا بېلو ښارونو کې د نظرپوښتنې پر اساس تیار کړی دی. وجیه الدین احمد د پاکستان د سپریم کورټ پخوانی قاضي دی او تر هغې مخکې د سیند های کورټ مشر قاضي پاتې شوی دی. موږ د ډېسېمبر پر نهمه له نوموړي سره مرکه کړې او ورڅخه مو پوښتلي چې د روڼتیا نړیوالې ادارې په رپورټ کې په عدلیه کې د اداري فساد په اړه د خلکو نظر په اړه څه وایي؟