د قبايلی سيمو ځينو سنېټرانو د ډېسېمبر پر نهمه نېټه د سېفران لپاره د پاکستان سېنېټ قايمه کمېټۍ له غونډې باييکاټ وکړ. دوی تور پورې کوي چې چې د پخوانۍ فاټا په خيبرپښتونخوا کې د ورګډولو پر وخت ورسره شوې ژمنې لاهم نه دې پوره شوي. د کرښې په غاړه خپرونه هم دا موضوع له کمېټۍ باييکاټ کوونکي د واکمن تحريک انصاف سنېټر هدايت الله، د تحريک انصاف د قامي اسمبلۍ غړی اقبال اپريدی، له جميعت علما اسلام سره تړاو لرونکي د قامي اسمبلۍ غړی منير اورکزي او د قامي اسمبلۍ پخواني غړي حاجي شاه جي ګل اپريدي سره څېړل شوې ده.