ټرمپ: افغانستان کې مو "دښمن" د پخوا پرتله په زیات قوت په نښه کړي
پر امریکا د سېپټېمبر ۱۱مې د بریدونو ۱۸م تلین په مناسبت ولسمشر ډونلډ ټرمپ وویل، امریکا په افغانستان کې د پخوا پرتله په لا زیات قوت "دښمن په نښه" کړی دی. دا خبره نوموړي له طالبانو سره په کیمپ ډېوېډ کې د ملاقات تر لغوه کولو څو ورځې وروسته کړې. د امریکا د کانګرس ځینې غړي او د چارو پوهان وايي، ټرمپ باید د وسله والو پر ځای افغان ولسمشر اشرف غني ته لومړیتوب ورکړي. د امریکا غږ د خبریالې سېنډي سېن ویډيويي رپورټ پښتو بڼه.