جمهوري غږونه د مشال راډیو نوې خپرونه ده چې پکې له هغو سیاستوالانو، خبریالانو، پوهانو او فعالانو سره مرکې کېږي چې په پاکستان کې یې د ولسواکۍ او د حقونو لپاره د مبارزې پر مهال زندانونه تېر کړي، مشکلات یې ګاللي او ځورېدلي دي.د دې خپرونې بله برخه کې د پاکستان د بشري حقونو سازمان يو مشر او پخواني سياسي فعال شير محمد خان اېډوکېټ د سياسي مبارزې په اړه ده. نوموړۍ د سوات والي ترڅو مياشتو پورې له سواته جلاوطن کړی وو او ددې ترڅنګ هغه د خپلې مبارزې پر مهال د جنرال ايوب خان، ذوالفقار علي بوټو او جنرال ضياولحق په واکمنيو کې زندانونو ته اچول شوی وو.