اې اېن پي د کاشغر-ګوادر اقتصادي لارې اړولو ضد احتجاجونه پیلوي

عوامي نېشنل ګوند د چين ــــ پاکستان اقتصادي راهدارۍ منصوبې پرضد د اکتوبر په څلورمه نېټه په ټول پاکستان کې د احتجاجي مظاهرو اعلان کړی دی. د شورو/چارشنبې ورځ د اې اېن پي مشر اسفنديار ولي خان په پېښور کې يوې خبري غوندې ته په خپلو څرګندونو کې وويل چې په اقتصادي راهدارۍ کې دې پښتونخوا ته خپله برخه ورکړل شي. د کاشغر - ګوادر اقتصادي راهدارۍ پروژې په اړه د ملتپاليو ګوندونو دريځ دی چې دوی پکې له پامه غورځول شوي دي او د پاکستان په وفاق کې واکمن مسلم ليګ (ن) حکومت د منصوبې لویه برخه پنجاب صوبې ته اړولې ده. د خالد خان راپور