پاکستان

د افغان خبریالانو یوه ټولنه وايي پولیسو یې په اسلام اباد کې یو ملګری نیولی دی

چارواکو د جماعت اسلامي تر لاریون مخکې اسلام اباد ته تلونکې لارې تړلې دي

د متحده عربي اماراتو د بهرنیو چارو وزیر پاکستان ته ځي

يو اېن اېچ سي ار وايي جاپان په پاکستان کې له افغان کډوالو سره د مرستې لپاره ۳ مېلیونه ډالر ورکړي دي

یو اېن ایچ سي ار د اپرېل پر ۱۸مه په یو بیان کې ویلي دي چې دا مرستې به د افغان کډوالو د کاغذي کاروايي، روزنیزو پروګرامونو، روغتيا او نورو بنیادي اسانتياوو لپاره کارول کېږي.

اسحاق ډار او طالب چارواکو د امنيت، سوداګرۍ او افغان کډوالو په اړه خبرې کړي

د پاکستان د بهرنیو چارو وزارت د اپرېل پر ۱۹مه پر اېکس (پخواني ټوېټر) په بیان کې ویلي دي چې د ليدنې پر مهال دواړو خواوو د امنیت، سوداګرۍ، ترانزیټي همکاریو او د ولسونو ترمينځ د اړیکو د پراخولو په شمول د متقابلې دلچسپۍ پر مهمو موضوعاتو نظرونه تبادله کړل.

د پاکستان د بهرنیو چارو وزیر اسحاق ډار په مشرۍ یو پلاوی کابل ته ځي

وزارت وايي چې ډار به د سفر پر مهال د طالبانو د حکومت له رییس الوزرا ملا حسن اخوند، د اقتصادي چارو لپاره د هغه له مرستیال ملا عبدالغني برادر سره ګوري او له متقي سره به د پلاوي پر کچ خبرې اترې کوي.

افغانان وايي پولیسو په اسلام اباد او راولپېنډۍ کې د یوې خبریالې په ګډون ګڼ کسان نیولي دي

افغانانو دعوه وکړه چې پولیس یې کورونو ته ننوځي او د اپرېل پر ۱۵مه یې شپې مهال له یو کوره د ښځو او ماشومانو په ګډون "پینځه"، له دویم څخه "۱۰" او له درېیم کوره یې "درې" تنه نیولي دي.

چارواکي وايي پر تورخم یې شاوخوا ۵۴،۰۰۰ افغانان هېواد ته لېږدولي دي

په لنډي کوتل کیمپ کې موجود یو شاوخوا ۸۰ کلن افغان، چې نوم یې و نه ښود، د اپرېل پر ۱۵مه مشال راډیو ته وویل، "۵۰ کاله" یې په پاکستان کې تېر کړل او اوسمهال د پنجاب "په میاوالۍ" مېشت وو چې چارواکو ورته د وتلو امر وکړ.

لیبیا کې د کښتۍ ډوبېدو په پېښه کې د ۴ پاکستانيانو په ګډون ۱۱ کسان وژل شوي دي

وزارت د اپرېل پر ۱۵مه په یو بیان کې وویل چې په طرابلس کې د پاکستان سفارتي ماموريت خبر ورکړی دی چې یوه کښتۍ، چې د پاکستانیانو په ګډون بهرنیان پناه غوښتونکي پکې سپاره ول، د سرت ښار له هراوه ساحل سره نېږدې چپه شوې ده.

پښتونخوا مېپ، اې اېن پي او جمعيت علما اسلام د معدنو د "غير قانوني" ايستلو مخالفت کړی دی

محمود خان اڅکزي وويل: "تاسو چې کله خلک وځوروئ، د خلکو په کورونو ورننوځئ، د هغوی په غرونو کې د هغوی پر معدنو قبضه وکړئ، او چې کله يې هغوی دفاع وکړي، نو تاسو بيا نړيوالو ته واياست چې دا ترهګر دي."

شهباز شریف: تهران دې سمدستي په سیستان بلوچستان کې د ۸ پاکستانیو وګړو په وژنه کې ککړ کسان ونیسي

د پاکستان دولتي راډیو وايي، د وزیراعظم دفتر د اپرېل پر ۱۳مه په بیان کې ویلي: "د ایران حکومت باید سمدستي" په وژنو کې "ککړ کسان ونیسي، هغوی ته سخته سزاورکول باوري کړي او د دې ظالمانه کار تر شا وجوهات په ډاګه کړي."

چارواکي وايي پر تورخم یې تر ۳۴،۰۰۰ زیات افغانان هېواد ته ستانه کړي دي

په لنډي کوتل کیمپ کې موجودو یوشمېر افغانانو د اپرېل پر ۱۰مه مشال راډیو ته وویل چې په پنجاب او سیند کې یې پولیس نیسي او په زور یې ستنوي.