Бархе аз сокинони ноҳияи Фархор, ҳаммарз бо вилояти Тахори Афғонистон, мегӯянд, ки садои тир аз он сӯи марз чанд шаб боз онҳоро ором намегузорад. Раъно Раҳимзода, раиси ноҳияи Фархор, дар суҳбат бо Радиои Озодӣ гуфт, ин бори аввал нест, ки садои тир аз он сӯи марз шунида мешавад. Ба қавли ӯ, дар пайи ҳамлаи Толибон ба Кундуз дар хатти марзи минтақаи Фархор бо Дарқад ду дидбонгоҳи иловагӣ ташкил шудааст.
