Ба иттилои Федератсияи футболи Тоҷикистон, дар рӯзҳои FIFA (Федератсияи байнулмилалии футбол) - моҳи ноябр – дар Душанбе силсилаи бозиҳои дӯстона байни тимҳои миллии Тоҷикистон, Афғонистон ва Непал, ки дар марҳилаи интихобии Ҷоми Осиё-2027 ширкат меварзанд, доир мегардад.
Нахуст рӯзи чоршанбеи 13-уми ноябр мунтахаби Тоҷикистон бо дастаи Непал бозӣ мекунад. Баъдан рӯзи шанбеи 16-уми ноябр бозӣ миёни дастаҳои Непал ва Афғонистон баргузор мешавад. Ва, ниҳоят рӯзи сешанбеи 19-уми ноябр бозии дӯстона миёни тимҳои миллии Тоҷикистону Афғонистон сурат мегирад. Ҳамаи бозиҳо дар Варзишгоҳи марказии Душанбе баргузор шуда, соати 18:00 оғоз меёбанд.
Дар радабандии нави FIFA, ки дар сомонаи расмии Федератсияи байнулмилалии футбол 24-уми октябр нашр шудааст, Тоҷикистон дар байни 210 тими миллӣ дар ҷойи 105-ум, Афғонистон дар зинаи 151-ум ва Непал дар ҷойгоҳи 176-ум қарор доранд.
БОЗИҲОИ ДӮСТОНА
13-уми ноябр (чоршанбе)
Оғози бозӣ – соати 18:00
Тоҷикистон - Непал
Душанбе, Варзишгоҳи марказии ҷумҳуриявӣ
16-уми ноябр (шанбе)
Оғози бозӣ – соати 18:00
Непал - Афғонистон
Душанбе, Варзишгоҳи марказии ҷумҳуриявӣ
19-уми ноябр (сешанбе)
Оғози бозӣ – соати 18:00
Тоҷикистон - Афғонистон
Душанбе, Варзишгоҳи марказии ҷумҳуриявӣ
