Ба иттилои Федератсияи футболи Тоҷикистон, дар ин мусобиқа дастаҳои мунтахаби духтарони то 17-солаи Тоҷикистон, Эрон, Узбекистон ва Қирғизистон иштирок доранд.
Дар даври дуюми мусобиқа 6-уми март дар Варзишгоҳи марказии Душанбе дастаи мунтахаби Тоҷикистон аз тими Узбекистон бо ҳисоби 0:1 шикаст хӯрд.
Дар бозии дигари даври дуюм тими Эрон мунтахаби Қирғизистонро бо ҳисоби 2:0 мағлуб кард. Голҳоро Ясна Ҷаъфарниё дар дақиқаи 30-юм ва Марям Халилӣ дар дақиқаи 63-юми дидор ба самар расонданд.
Ёдовар мешавем, дар даври якуми мусобиқа 4-уми март дастаи мунтахаби Тоҷикистон аз тими Қирғизистон ва тими Эрон аз мунтахаби Узбекистон бо ҳисоби якхелаи 0:1 мағлуб шуда буданд.
Ба ин тартиб, пас аз натиҷагирии бозиҳои ду даври мусобиқа дастаи мунтахаби духтарони Узбекистон бо 6 имтиёз дар ҷадвал мақоми аввалро каб кардааст. Дастаҳои мунтахаби Эрону Қирғизистону бо сеимтиёзӣ мутаносибан дар ҷойҳои дуюму сеюм қарор доранд. Мунтахаби Тоҷикистон бидуни имтиёз дар зинаи охирин – чаҳорум – ҷойгир шудааст.
Мусобиқа аз рӯйи системи даврӣ дар як давра сурат мегирад, яъне ҳар як даста се бозӣ анҷом медиҳад. Дастае, ки аз ҳама бештар имтиёз ба даст меорад, ғолиби мусобиқа мегардад.
Бозиҳои даври сеюми мусобиқа рӯзи шанбеи 8-уми март байни дастаҳои Узбекистону Қирғизистон ва Тоҷикистону Эрон баргузор мешаванд.
Барои духтарони футболбози тоҷик иштирок дар мусобиқаи қаҳрамонии Ассотсиатсияи футболи Осиёи Марказӣ (CAFA)-2025 як марҳилаи омодагӣ ба марҳилаи интихобии Ҷоми Осиё-2026 (U-17) ба ҳисоб меравад, ки аз 9-ум то 17-уми октябри имсол баргузор хоҳад шуд.
Мусобиқаи қаҳрамонии CAFA-2025 байни дастаҳои мунтахаби духтарони то 17-сола:
Иштирокдорон:
Тоҷикистон
Эрон
Узбекистон
Қирғизистон
Даври якум
4-уми март (сешанбе)
Эрон – Узбекистон – 0:1
Тоҷикистон – Қирғизистон – 0:1
Даври дуюм
6-уми март (панҷшанбе)
Қирғизистон - Эрон – 0:2
Узбекистон – Тоҷикистон – 1:0
Мавқеи дастаҳо дар ҷадвали мусобиқа:
|
Ҷ |
ДАСТАҲО |
Б |
Ғ |
М |
Б |
Тӯбҳо |
И |
|
1 |
Узбекистон |
2 |
2 |
0 |
0 |
2-0 |
6 |
|
2 |
Эрон |
2 |
1 |
0 |
1 |
2-1 |
3 |
|
3 |
Қирғизистон |
2 |
1 |
0 |
1 |
1-2 |
3 |
|
4 |
Тоҷикистон |
2 |
0 |
0 |
2 |
0-2 |
0 |
Даври сеюм
8-уми март (шанбе)
12:00 – Узбекистон - Қирғизистон
15:00 –- Тоҷикистон - Эрон
